Crocodile Farming: અહીંયા થાય છે ખતરનાક મગરમચ્છની ખેતી, આ કારણે પાળે છે લોકો – જાણીને ચડી જશો ચકરાવે

મગરને ખૂબ જ ખતરનાક પ્રાણી માનવામાં આવે છે. પરંતુ એક એવી જગ્યા પણ છે જ્યાં તેમની મોટા પાયે ખેતી થાય છે.

તમે ફળો અને શાકભાજીથી લઈને સાપની ખેતી સુધીની દરેક વસ્તુ વિશે સાંભળ્યું જ હશે. પરંતુ શું તમે મગરની ખેતી વિશે સાંભળ્યું છે? જો નહીં, તો આજે અમે તમને આ ખતરનાક પ્રાણીની ખેતી વિશે જણાવીશું.

થાઈલેન્ડમાં મગર ઉછેરવામાં આવે છે. અહીં તેમને મોટા પાયે ઉછેરવામાં આવે છે. આ સિવાય તેમની પાસેથી મોટી કમાણી પણ થાય છે.

અહેવાલો અનુસાર, થાઈલેન્ડમાં 1000થી વધુ ખેતરોમાં 12 લાખથી વધુ મગરોને પાળવામાં આવે છે. અહીં કેટલાક ખેતરો એવા છે જે વર્ષોથી અવિરત ચાલે છે.

થાઈલેન્ડમાં મગરોને મોટા પાયે ઉછેરવાનો હેતુ તેમની કિંમતી ચામડી, માંસ અને લોહી કાઢવાનો છે. ભયંકર પ્રાણીનું ખેતર જોવા માટે લોકો અહીં મોટી સંખ્યામાં આવે છે. આ ઉપરાંત કતલ કરવા માટે કતલખાનાઓ પણ છે.

અહેવાલો સૂચવે છે કે મગરમાં ઔષધીય ગુણો જોવા મળે છે. તેના પિત્તની કિંમત આશરે રૂ. 75,000 પ્રતિ કિલો છે અને લોહીની કિંમત લગભગ રૂ. 1,000 પ્રતિ લીટર છે. આ સિવાય તેનું માંસ પણ ખૂબ જ મોંઘા ભાવે વેચાય છે.

ત્યાંના લોકો મગરની ચામડીમાંથી હેન્ડબેગ, ચામડાની સૂટકેસ, બેલ્ટ, શૂઝ જેવી ઘણી પ્રોડક્ટ બનાવે છે અને વેચે છે. આ વસ્તુઓની કિંમત ઘણી વધારે છે.