Auto Expo 2023: MGએ ઓટો એક્સ્પોમાં ઉતારી MIFA 9 ઈલેક્ટ્રિક એમપીવી, ખાસિયતો છે અદભુત

MG મોટરે ઓટો એક્સપો 2023માં ઘણી નવી કાર સાથે તેની હાજરી નોંધાવી દીધી છે. જેમાં મોટી સાઇઝની ઇલેક્ટ્રિક MPV Mifa 9 પણ સામેલ છે. Mifa 9 ખૂબ જ વિશાળ અને વૈભવી MPV છે.

MG MIFA 9 Electric MPV

મોટી દેખાતી MPV કાર અંદરથી ઘણી જગ્યા આપે છે. સાથે જ તેના એક્સટીરિયરમાં ક્રોમનો ઘણો ઉપયોગ કરવામાં આવ્યો છે. તે મોટા અને સ્લિમ હેડલેમ્પ્સ અને ટેલ લેમ્પ્સ સાથે એક વિશિષ્ટ MPV-જેવી સિલુએટ ધરાવે છે.

Mifa 9ની લંબાઈ 5,270mm છે અને તે Toyotaના Vellfire MPV કરતાં ઘણી લાંબી છે. તેમજ તેના ઈન્ટીરીયર બનાવવા માટે ઉચ્ચ ગુણવત્તાની સામગ્રીનો ઉપયોગ કરવામાં આવ્યો છે. સાથે જ તેમાં આપવામાં આવેલી ટચસ્ક્રીન આખા ડેશબોર્ડ પર ફેલાયેલી છે. આટલી મોટી કાર હોવાને કારણે તેમાં બે કેપ્ટન સીટ આપવામાં આવી છે.

Mifa 9માં 90 kWh બેટરી પેક સાથે 400 કિમીથી વધુની રેન્જ જોઈ શકાય છે. ભારતમાં તેનું લોન્ચિંગ અને ભારતમાં લોન્ચ થયા પછી કાર કેવી રીતે પરફોર્મ કરે છે તે જોવું ખૂબ જ રસપ્રદ રહેશે.

અત્યાર સુધી મળેલી તેની લંબાઈ અને લક્ઝરી વિશેની માહિતી પરથી અનુમાન લગાવવામાં આવી રહ્યું છે કે આ MPV ટોયોટાની વેલફાયર MPV સાથે સ્પર્ધા કરે છે, પરંતુ ઇલેક્ટ્રિક પાવરટ્રેનને કારણે તે તેનાથી અલગ છે. દેશમાં લક્ઝરી એમપીવીની માંગ ઘણી વધારે છે, જેના કારણે આ વાહન ભારતીય બજારમાં પણ સફળ થઈ શકે છે.

MGએ આ ઓટો શોમાં ઘણી કાર ડિસ્પ્લે કરી છે. પરંતુ Mifa એ ઇલેક્ટ્રિક MPV છે. જે તેના સેગમેન્ટમાં તદ્દન અલગ છે. કારણ કે આ સેગમેન્ટમાં Toyota Vellfire હાલમાં માત્ર હાઇબ્રિડ પાવરટ્રેન સાથે આવે છે અને તેની સાથે સ્પર્ધા કરવા માટે હાલમાં બજારમાં અન્ય કોઈ કાર ઉપલબ્ધ નથી. આ MPV ઉપરાંત, MG એ ઓટો એક્સપોમાં તેના વૈશ્વિક પોર્ટફોલિયોમાંથી ઘણી કારનું પ્રદર્શન પણ કર્યું, જેમાં 4 ઇલેક્ટ્રિક મોડલનો સમાવેશ થાય છે.