Jobs 2024: ગ્રેજ્યૂએટ ઉમેદવારો માટે મોટી ભરતી, પરીક્ષા વિના સીધુ સિલેક્શન, જાણો અરજીથી લઇ પગારની ડિટેલ્સ...

હેવી વ્હીકલ ફેક્ટરી, અવાદી, ચેન્નાઈ એ 320 એપ્રેન્ટિસ પોસ્ટ માટે અરજીઓ આમંત્રિત કરી છે. 29મી જુલાઈથી રજીસ્ટ્રેશન શરૂ થઈ ગયું છે

એબીપી લાઇવ

Recruitment 2024: હેવી વ્હીકલ ફેક્ટરીએ એપ્રેન્ટિસની જગ્યાઓ માટે અરજીઓ આમંત્રિત કરી છે. ગઇકાલથી એટલે કે 29મી જુલાઈથી અરજીઓ શરૂ થઈ ગઈ છે. ડિટેલ્સ વાંચો અને જો તમે પાત્ર છો તો તરત જ અરજી કરો. હેવી વ્હીકલ ફેક્ટરી, અવાદી, ચેન્નાઈ એ 320 એપ્રેન્ટિસ પોસ્ટ માટે અરજીઓ આમંત્રિત કરી છે. 29મી જુલાઈથી રજીસ્ટ્રેશન શરૂ થઈ ગયું છે. જે ઉમેદવારો જરૂરી પાત્રતા ધરાવતા હોય અને અરજી કરવાની ઈચ્છા ધરાવતા હોય તેમણે નિયત ફોર્મેટમાં ફોર્મ ભરવાનું રહેશે.

અરજી કરવાની છેલ્લી તારીખ 19 ઓગસ્ટ 2024 છે. ડિપ્લોમા, BE, B.Tech ધરાવતા ઉમેદવારો આ ખાલી જગ્યાઓ માટે અરજી કરી શકે છે. જોબ લોકેશન અવાડી, ચેન્નાઈ છે.

આ જગ્યાઓ માટેના ઉમેદવારોની પસંદગી પરીક્ષા દ્વારા કરવામાં આવશે નહીં. તેમની પસંદગી મેરિટના આધારે કરવામાં આવશે.

અરજીઓ 19મી ઓગસ્ટના રોજ બંધ થશે અને શૉર્ટલિસ્ટ થયેલા ઉમેદવારોની યાદી 26મી ઓગસ્ટના રોજ પ્રકાશિત કરવામાં આવશે. આ પછી તેમને 9 થી 11 સપ્ટેમ્બર 2024 વચ્ચે ડૉક્યૂમેન્ટ વેરિફિકેશન માટે બોલાવવામાં આવશે.

અરજીઓ માત્ર ઓનલાઈન હશે, આ માટે તમારે સત્તાવાર વેબસાઈટની મુલાકાત લેવી પડશે. આ પહેલાં એપ્રેન્ટિસ પોર્ટલ પર નોંધણી કરવાનું સુનિશ્ચિત કરો, જો તે પહેલાથી નોંધાયેલી ન હોય.

વય મર્યાદા એપ્રેન્ટિસશીપ નિયમો મુજબ છે. પગારની વાત કરીએ તો તે પોસ્ટ પ્રમાણે છે. ઉદાહરણ તરીકે ગ્રેજ્યુએટ એપ્રેન્ટિસની પોસ્ટ પર તમને દર મહિને 9000 રૂપિયાનું સ્ટાઈપેન્ડ મળશે.

જ્યારે ટેકનિશિયન (ડિપ્લોમા) એપ્રેન્ટિસની પોસ્ટ માટે, સ્ટાઈપેન્ડ દર મહિને 8000 રૂપિયા હશે. અરજી માટે કોઈ ફી ચૂકવવાની નથી.