RRB Recruitment: રેલવેમાં બમ્પર ભરતી માટે અંતિમ તારીખ લંબાવાઇ, હવે ક્યાં સુધી કરી શકશો અરજી

રેલવે ભરતી બોર્ડ (RRB) એ ગ્રુપ-Dની 32,438 ખાલી જગ્યાઓ માટે ભરતી માટેની અરજી તારીખમાં ફેરફાર કર્યો છે. અગાઉ અરજી કરવાની છેલ્લી તારીખ 22 ફેબ્રુઆરી 2025 નક્કી કરવામાં આવી હતી

પ્રતિકાત્મક તસવીર

રેલવે ભરતી બોર્ડ (RRB) એ ગ્રુપ-Dની 32,438 ખાલી જગ્યાઓ માટે ભરતી માટેની અરજી તારીખમાં ફેરફાર કર્યો છે. અગાઉ અરજી કરવાની છેલ્લી તારીખ 22 ફેબ્રુઆરી 2025 નક્કી કરવામાં આવી હતી, જે હવે 1 માર્ચ 2025 સુધી લંબાવવામાં આવી છે. જે ઉમેદવારો કોઈ કારણોસર અત્યાર સુધી અરજી કરી શક્યા નથી તેઓ હવે 1 માર્ચ સુધી પોતાની અરજી ભરી શકે છે. અરજી RRB ચંદીગઢની સત્તાવાર વેબસાઇટ www.rrbcdg.gov.in દ્વારા ઓનલાઈન કરી શકાય છે. આ ઉપરાંત ઉમેદવારો અહીં આપેલી સીધી લિંક દ્વારા પણ અરજી કરી શકે છે.

અરજીની તારીખમાં વધારા સાથે ફી જમા કરાવવાની અને અરજીમાં સુધારા કરવાની તારીખોમાં પણ ફેરફાર કરવામાં આવ્યો છે. હવે ઉમેદવારો 1 માર્ચ સુધી અરજી કરી શકે છે અને 3 માર્ચ 2025 સુધી ફી જમા કરાવી શકે છે. આ ઉપરાંત, જો કોઈ ઉમેદવારને અરજીમાં કોઈ ભૂલ જણાય તો તેઓ 4 થી 13 માર્ચ 2025 સુધી ફોર્મમાં ફેરફાર કરી શકે છે.

RRB ગ્રુપ D ની જગ્યાઓ માટે અરજી કરવા માટે ઉમેદવારે ફક્ત 10મું ધોરણ પાસ કરેલું હોવું ફરજિયાત છે, અને તે માન્ય બોર્ડ/સંસ્થામાંથી હોવું જોઈએ. આ ઉપરાંત ઉમેદવારની ઉંમર 18 થી 36 વર્ષની વચ્ચે હોવી જોઈએ. અનામત કેટેગરીના ઉમેદવારોને નિયમો મુજબ ઉંમરમાં છૂટછાટ આપવામાં આવશે. ઉંમરની ગણતરી 1 જાન્યુઆરી 2025ના આધારે કરવામાં આવશે.

આ ભરતીમાં અરજી કરવા માટે જનરલ, ઓબીસી અને ઇડબ્લ્યુએસ શ્રેણીના ઉમેદવારોએ 500 રૂપિયા ફી જમા કરાવવાની રહેશે. SC/ST, PH, EBC અને મહિલા ઉમેદવારોએ 250 રૂપિયા ફી ચૂકવવાની રહેશે.

RRB ગ્રુપ D ભરતી માટે ઓનલાઈન અરજી કરવા માટે ઉમેદવારોએ પહેલા સત્તાવાર વેબસાઇટ www.rrbcdg.gov.in ની મુલાકાત લેવી પડશે. વેબસાઇટના હોમ પેજ પર CEN 8/24 (લેવલ 1) પર ક્લિક કરો.

આ પછી ભરતી સંબંધિત એપ્લિકેશન લિંક પર ક્લિક કરો. હવે ઉમેદવારોએ 'ક્રિએટ એકાઉન્ટ' વિકલ્પ પર ક્લિક કરીને રજિસ્ટ્રેશન કરાવવાનું રહેશે. રજિસ્ટ્રેશન પછી ઉમેદવારો અન્ય વિગતો ભરીને ફોર્મ ભરે છે. છેલ્લે નિયત અરજી ફી ભરીને ફોર્મ સબમિટ કરો.