'ગદર 2' ની સક્સેસ બાદ અમીષા પટેલનો ખુલાસો, ફગાવી હતી શાહરુખથી લઈ સલમાનની આ હિટ ફિલ્મો

'ગદર 2' ની સક્સેસ બાદ અમીષા પટેલનો ખુલાસો, ફગાવી હતી શાહરુખથી લઈ સલમાનની આ હિટ ફિલ્મો

અમિષા પટેલ

Gadar 2: બોલિવૂડ અભિનેત્રી અમીષા પટેલ આ દિવસોમાં તેની ફિલ્મ 'ગદર 2'ની સફળતાનો આનંદ માણી રહી છે. આ દરમિયાન અભિનેત્રીએ તેના અભિનય કારકિર્દી સાથે જોડાયેલા ઘણા મોટા રહસ્યો જાહેર કર્યા.

અમીષા પટેલે ફિલ્મ 'કહો ના પ્યાર હૈ'થી પોતાના કરિયરની શરૂઆત કરી હતી. આ ફિલ્મમાં તે રિતિક રોશનની સાથે જોવા મળી હતી. લોકોને આ ફિલ્મ એટલી પસંદ આવી કે તે રાતોરાત સ્ટાર બની ગઈ.

આ પછી અભિનેત્રીની બીજી ફિલ્મ સની દેઓલ સાથે 'ગદર ' હતી. અમીષાને ઘણા લોકોએ આ ફિલ્મમાં કામ કરવાની ના પાડી હતી. કારણ કે આમાં તે માતાના રોલમાં જોવા મળવાની હતી. પરંતુ અભિનેત્રીએ કોઈની વાત ન માની અને ફિલ્મમાં પોતાના દમદાર અભિનયથી લોકોને દિવાના બનાવી દીધા.

'ગદર 2' ની સફળતા વચ્ચે અમીષાએ ETimes સાથે તેની કારકિર્દી વિશે ખુલીને વાત કરી અને કહ્યું કે તેણીને કારકિર્દીની ટોચ પર ઘણી મોટી ફિલ્મોની ઓફર મળી હતી જેને ફગાવી દીધી હતી.

અમીષાએ જણાવ્યું કે, તેને શાહરૂખ ખાનની 'ચલતે-ચલતે', સંજય દત્તની 'મુન્નાભાઈ એમબીબીએસ' અને સલમાન ખાનની 'તેરે નામ' જેવી ફિલ્મોની ઓફર મળી હતી. પરંતુ તેણે આ માટે ના પાડી દીધી અને અભિનેત્રીને તેનો બિલકુલ અફસોસ નથી.

અમિષાએ કહ્યું, 'મારે આ ફિલ્મો માટે ના કહેવી પડી કારણ કે તે સમયે હું કોઈ અન્ય પ્રોજેક્ટમાં કામ કરી રહી હતી. જેના માટે મેં પહેલેથી જ વચન આપ્યું હતું.'

બીજી તરફ, અમીષા પટેલ અને સની દેઓલ સ્ટારર 'ગદર 2' વિશે વાત કરીએ તો આ ફિલ્મે રિલીઝ થયા બાદથી જ થિયેટરોમાં ધમાલ મચાવી દીધી છે. માત્ર 7 દિવસમાં ફિલ્મે 250 કરોડથી વધુનો બિઝનેસ કરી લીધો છે.