Photoshoot: રણવીર સિંહના પગલે વેસ્ટ ઈન્ડિઝનો ખેલાડી આન્દ્રે રસેલ, કરાવ્યું હોટ ફોટોશૂટ

તાજેતરમાં જ આઈપીએલની ફ્રેંચાઈઝી કોલકાતા નાઈટ રાઈડર્સ (KKR)એ આન્દ્રે રસેલને જાળવી રાખ્યો હતો. હવે વેસ્ટ ઈન્ડિઝના આ ખેલાડીએ સોશિયલ મીડિયા પર તેની કેટલીક તસવીરો શેર કરી છે જે ભારે વાયરલ થઈ રહી છે.

આન્દ્રે રસેલ

IPL 2023ની હરાજી 23 ડિસેમ્બરે કોચીમાં યોજાવાની છે. કોલકાતા નાઈટ રાઈડર્સે તેમના તમામ ટોચના ખેલાડીઓ સાથે જ આન્દ્રે રસેલને જાળવી રાખ્યો છે.

આન્દ્રે રસેલે થોડા સમય પહેલા જ સોશિયલ મીડિયા પર જે ફોટો શેર કર્યો છે તેમાં આ ઓલરાઉન્ડર એકદમ ફિટ દેખાય છે.

તાજેતરમાં T20 વર્લ્ડ કપ 2022 રમાયો હતો. આક્રમક બેટ્સમેન અને ઝંઝાવાતી બોલર આન્દ્રે રસેલ વેસ્ટ ઈન્ડિઝ ટીમનો ભાગ ન હતો. જોકે વેસ્ટ ઈન્ડિઝની ટીમ સુપર-12 રાઉન્ડમાં પણ પોતાનું સ્થાન બનાવી શકી નહોતી.

સોશિયલ મીડિયા યુઝર્સ આન્દ્રે રસેલના આ ફોટો પર પોતાની જુદી જુદી પ્રતિક્રિયા આપી રહ્યા છે. સાથે જ ચાહકો વેસ્ટ ઈન્ડિઝના આ ઓલરાઉન્ડરની સરખામણી બોલીવુડ અભિનેતા રણવીર સિંહ સાથે કરી રહ્યા છે.

બોલિવૂડ એક્ટર રણવીર સિંહે તાજેતરમાં જ ટોપલેસ ફોટોશૂટ કરાવ્યું હતું. હવે આન્દ્રે રસેલ પણ રણવીર સિંહના માર્ગે ચાલતો હોય તેમ આ ફોટોશૂટ કરાવ્યું હતું. માટે ચાહકો રસેલની સરખામણી રણવીર સિંહ સાથે કરી રહ્યા છે.