OTT Release: આ શિયાળામાં OTT પર આ 7 ફિલ્મોનો છે ઇન્તજાર, લિસ્ટમાં આ ધાંસૂ વેબસીરીઝ પણ છે સામેલ

દક્ષિણ કૉરિયન ડાયસ્ટૉપિયન થ્રિલર સીરીઝ સ્ક્વિડ ગેમના બીજા ભાગની આતુરતાથી રાહ જોવાઈ રહી છે

એબીપી લાઇવ

7 Most Awaited OTT Release: આ શિયાળામાં તમને OTT પર મનોરંજનનો પુરેપુરો ડૉઝ મળવાનો છે. ખરેખર, ઘણીબધી મૉસ્ટ અવેટેડ ફિલ્મો અને સીરીઝ રિલીઝ થવા જઈ રહી છે. આવો જાણીએ સંપૂર્ણ યાદી. શિયાળો લગભગ આવી ગયો છે અને આ શિયાળામાં OTT પર એક્શન, સસ્પેન્સ અને હૉરર કૉમેડી ફિલ્મોનો ધમાકો થવા જઈ રહ્યો છે. હા, ઘણી નવી ફિલ્મો અને વેબસીરીઝ ડિજિટલ ડેબ્યૂ કરવા માટે તૈયાર છે. તો ચાલો જાણીએ કે આ શિયાળામાં Netflix, Prime Video, Disney+ Hotstar, JioCinema અને અન્ય પ્લેટફોર્મ પર કઈ મૂવીઝ અને સીરીઝ રિલીઝ થવા જઈ રહી છે.

દક્ષિણ કૉરિયન ડાયસ્ટૉપિયન થ્રિલર સીરીઝ સ્ક્વિડ ગેમના બીજા ભાગની આતુરતાથી રાહ જોવાઈ રહી છે. તમને જણાવી દઈએ કે સ્ક્વિડ ગેમની બીજી સિઝન નેટફ્લિક્સ પર 26 ડિસેમ્બર, 2024ના રોજ પ્રીમિયર થશે.

રોહિત શેટ્ટીની કૉપ યૂનિવર્સ, સિંઘમ અગેનની લેટેસ્ટ રિલીઝ હેડલાઇન્સમાં છે. ફિલ્મમાં અજય દેવગન, કરીના કપૂર ખાન, દીપિકા પાદુકોણ, રણવીર સિંહ, અક્ષય કુમાર, ટાઈગર શ્રોફ અને અર્જૂન કપૂરે મહત્વની ભૂમિકા ભજવી છે. ફિલ્મમાં સલમાન ખાનનો કેમિયો પણ ચર્ચામાં છે. આ બધાની વચ્ચે સિંઘમ અગેઈન બોક્સ ઓફિસ પર સારી કમાણી કરી રહી છે. ટાઈમ્સ ઓફ ઈન્ડિયાના અહેવાલ અનુસાર ફિલ્મની OTT રિલીઝ વિશે વાત કરીએ તો, પ્રાઇમ વીડિયો દ્વારા તેના ડિજિટલ અધિકારો સુરક્ષિત કરવામાં આવ્યા છે. આ ફિલ્મ ડિસેમ્બરના અંત સુધીમાં OTT પર પણ રિલીઝ થઈ શકે છે. જોકે આ અંગે સત્તાવાર રીતે કંઈ જાહેર કરવામાં આવ્યું નથી.

કાર્તિક આર્યન, વિદ્યા બાલન, માધુરી દીક્ષિત અને તૃપ્તિ ડિમરી એ અનીસ બઝમી દ્વારા દિગ્દર્શિત ભૂલ ભુલૈયા 3 માં મહત્વની ભૂમિકાઓ ભજવી છે. આ ફિલ્મ દિવાળીના અવસર પર સિનેમાઘરોમાં રિલીઝ થઈ હતી. હાલમાં, ભૂલ ભૂલૈયા 3 બોક્સ ઓફિસ પર સારી કમાણી કરી રહી છે. OTT રિલીઝ વિશે વાત કરીએ તો, Filmy Beat ના રિપોર્ટ અનુસાર, Netflix એ આ હોરર કોમેડી ફિલ્મના ડિજિટલ રાઈટ્સ ખરીદી લીધા છે અને તે ડિસેમ્બરના અંત સુધીમાં ડિજિટલ ડેબ્યૂ કરી શકે છે. જોકે આ અંગે સત્તાવાર રીતે કંઈ જાહેર કરવામાં આવ્યું નથી.

અમરન 2024ની તમિલ યુદ્ધ ફિલ્મ છે. તે રાજકુમાર પેરિયાસામી દ્વારા નિર્દેશિત છે અને રાજ કમલ ફિલ્મ્સ ઇન્ટરનેશનલ અને સોની પિક્ચર્સ ફિલ્મ્સ ઇન્ડિયા દ્વારા નિર્મિત છે. ફિલ્મમાં શિવકાર્તિકેયને મેજર મુકુંદ વરદરાજનની ભૂમિકા ભજવી છે, તેમની સાથે સાઈ પલ્લવી, ભુવન અરોરા અને રાહુલ બોઝ પણ મહત્વની ભૂમિકામાં છે. શિવ અરુર અને રાહુલ સિંહના પુસ્તક "ઇન્ડિયાઝ મોસ્ટ ફિયરલેસ" પર આધારિત, અમરન મેજર મુકુંદ વરદરાજનની બહાદુરી અને વીરતાની પ્રેરણાદાયી સત્ય ઘટના પર આધારિત છે. આ ફિલ્મ અગ્રણી OTT પ્લેટફોર્મ Netflix પર નવેમ્બરના છેલ્લા સપ્તાહમાં સ્ટ્રીમ થઈ શકે છે.

આશ્રમ એ પ્રકાશ ઝા દ્વારા નિર્દેશિત ભારતીય ક્રાઈમ ડ્રામા વેબસીરીઝ છે. આ શોમાં બોબી દેઓલે મુખ્ય ભૂમિકા ભજવી છે. પ્રકાશ ઝા પ્રોડક્શન્સ દ્વારા નિર્મિત શ્રેણીનો પ્રથમ ભાગ, 28 ઓગસ્ટ, 2020 ના રોજ MX પ્લેયર પર પ્રીમિયર થયો. સીઝન 4 ડિસેમ્બર 2024 માં MX પ્લેયર પર સ્ટ્રીમ થવાની અપેક્ષા છે.

જોકર: ફોલી એ ડ્યૂક્સ એ 2024ની અમેરિકન જ્યુકબોક્સ મ્યૂઝિકલ સાયકોલોજિકલ થ્રિલર ફિલ્મ છે જેનું નિર્દેશન ટોડ ફિલિપ્સ દ્વારા કરવામાં આવ્યું છે. જોઆક્વિન ફોનિક્સે આ મૂવીમાં તેની આઇકોનિક ભૂમિકાનું પુનરાવર્તન કર્યું છે. આ ફિલ્મ ભારતમાં 2 ઓક્ટોબરે સિનેમાઘરોમાં રિલીઝ થઈ હતી. વોર્નર બ્રધર્સ.ની કોઈપણ ફિલ્મ તેના થિયેટરમાં રિલીઝ થયાના 45 દિવસ પછી HBO Max પર રિલીઝ થાય છે. આવી સ્થિતિમાં આ ફિલ્મ નવેમ્બરના અંત સુધીમાં ડિજિટલ ડેબ્યૂ કરી શકે છે. જો કે, OTT રીલિઝ ડેટ હજુ જાહેર કરવામાં આવી નથી.

કંગુવા એ શિવ દ્વારા દિગ્દર્શિત આગામી તમિલ મહાકાવ્ય ફેન્ટસી એક્શન ફિલ્મ છે. સ્ટુડિયો ગ્રીન અને યુવી ક્રિએશન્સ દ્વારા નિર્મિત આ ફિલ્મમાં સૂર્યા, બોબી દેઓલ, દિશા પટણી, યોગી બાબુ સહિતના ઘણા કલાકારોએ મહત્વની ભૂમિકાઓ ભજવી છે. આ ફિલ્મ 14 નવેમ્બરે સિનેમાઘરોમાં રિલીઝ થશે અને પછી થિયેટર રન પૂર્ણ કર્યા પછી, તેને OTT પર સ્ટ્રીમ કરવામાં આવશે. જો કે, આ ફિલ્મની OTT વિગતો હજુ આવી નથી. પરંતુ આ શિયાળામાં, OTT પ્રેમીઓ આ ફિલ્મના ડિજિટલ ડેબ્યૂની પણ આતુરતાથી રાહ જોઈ રહ્યા છે.