શાહરૂખ-સલમાનને ટક્કર આપતો સુપરસ્ટાર: એક સમયે 11 દિવસમાં 47 ફિલ્મો સાઈન કરી, આજે ગુમનામીમાં જીવે છે

બોલિવૂડમાં ઘણા સ્ટાર્સ આવે છે અને જાય છે, પરંતુ કેટલાક એવા હોય છે જે પોતાની પ્રથમ ફિલ્મથી જ ધૂમ મચાવી દે છે.

90ના દાયકામાં એક એવો જ અભિનેતા ઉભરી આવ્યો હતો, જેણે શાહરૂખ ખાન અને સલમાન ખાન જેવા સ્ટાર્સને પણ લોકપ્રિયતામાં ટક્કર આપી હતી. આ અભિનેતા એટલે રાહુલ રોય, જેમણે ફિલ્મ 'આશિકી'થી બોલિવૂડમાં એન્ટ્રી કરીને તરત જ સુપરસ્ટારનો દરજ્જો મેળવી લીધો હતો.

રાહુલ રોયે 90ના દાયકામાં બોલિવૂડમાં એવી ધમાકેદાર શરૂઆત કરી કે લોકો તેના દીવાના થઈ ગયા હતા. છોકરીઓ તેની સ્ટાઈલ પર ફિદા હતી અને છોકરાઓ તેની હેરસ્ટાઈલ અને ફેશનને કોપી કરતા હતા. રાહુલ રોય લવર બોય તરીકે રાતોરાત સેન્સેશન બની ગયો હતો. તેની પહેલી ફિલ્મ 'આશિકી' બોક્સ ઓફિસ પર સુપરહિટ સાબિત થઈ અને રાહુલે યુવા દિલો પર રાજ કરવાનું શરૂ કર્યું.

'આશિકી'ની સફળતા બાદ રાહુલે 'પ્યાર કા સાયા' અને 'જુનૂન' જેવી વધુ હિટ ફિલ્મો આપી અને બોલિવૂડમાં પોતાનું સ્થાન મજબૂત કર્યું. એવું કહેવાય છે કે રાહુલે એક સમયે માત્ર 11 દિવસમાં 47 ફિલ્મો સાઈન કરી હતી, જે તેની લોકપ્રિયતાનો પુરાવો હતો. શાહરૂખ, સલમાન અને આમિર ખાનની વચ્ચે રાહુલ રોય પણ સ્ટારડમની રેસમાં જોડાઈ ગયો હતો અને લોકો માનવા લાગ્યા હતા કે તે બોલિવૂડનો આગામી સુપરસ્ટાર હશે.