અર્જુન કપૂર સાથે લગ્ન મુદ્દે મલાઇકાએ કરી સ્પષ્ટતા કહ્યું, ‘રિલેશનશિપથી ખૂબ જ ખુશ છું પરંતુ....’

તસવીરનો ઉપયોગ પ્રસ્તુતિ માટે

અર્જુન કપુર અને મલાઇકા છેલ્લા કેટલાક સમયથી એકબીજાને ડેટ કરી રહ્યાં છે. બંનેની રિલેશનશિપને લઇને ચર્ચા થતી રહે છે અને બંનેને લગ્ન માટે વારંવાર સવાલ પૂછવામાં આવે છે. આ મુદ્દે મલાઇકાને સવાલ પૂછતાં તેમણે શું કહ્યું જાણો

એકટ્રેસ મલાઇકા અરોડા અને અર્જુન કપૂરનો સંબંધ કોઇથી છૂપાયેલો નથી. બંને છેલ્લા 3 વર્ષથી એકબીજાની સાથે રિલેશનશિપમાં છે. બંનેને અનેક વખત લગ્ન વિશે સવાલ કરવામાં આવ્યાં છે બંને એ આ મુદ્દે તેમના જુદા જુદા મત રજૂ કર્યાં છે.

થોડા સમય પહેલા મલાઇકાને પણ લગ્ન વિશે સવાલ કરવામાં આવ્યો હતો. મલાઇકાએ આ સવાલના જવાબમાં કહ્યું હતું કે “ હાલ લગ્નનો કોઇ ઇરાદો નથી. હું પ્રોફેશન અને પર્સનલ લાઇફને લઇને ખૂબ જ ખુશ છું. હું હાલ મારા બિઝનેસ પર વઘુ ધ્યાન આપવા માંગું છું. લગ્ન જેવી બાબતો પહેલાથી નક્કી નથી કરી શકાતી. હાલ હું આ સંબંધથી ખુશ છું અને આગળ કંઇ વિચાર્યું નથી”

ઇન્ટરવ્યુ દરમિયાન અર્જુન કપૂરે કહ્યું હતું કે, ‘મેં મલાઇકા સાથેની તેમની રિલેશનશિપ વિશે ક્યારેય નથી છુપાવ્યું તો લગ્નની વાત શા માટે છુપાવીશ. સમય આવશે ત્યારે આ વિશે વાત કરીશું પરંતુ હાલ એવું કોઇ પ્લાનિંગ નથી’ મલાઇકાએ પહેલા લગ્ન અરબાજ ખાન સાથે કર્યાં હતા અને આ લગ્ન 18 વર્ષ બાદ તૂટી ગયા હતા.