Oscar Award જીતી ચૂક્યા છે આ ભારતીય કલાકારો, 1983માં પહેલીવાર આ ભારતીય મહિલાને મળ્યુ હતુ આ મોટુ સન્માન, જાણો વિગતે

Oscar Award - ભારતીય કલાકારો

મુંબઇઃ દુનિયાની સૌથી પ્રચલિત એવોર્ડ સેરેમનીમાં એક Oscars 2021ની શરૂઆત થઇ ચૂકી છે. Oscar દુનિયાભરમાં કલાકારો માટે આ ખુબ મહત્વનુ છે, કેમકે ભારતમાં પણ એવા કલાકારો થયા છે, જેમને આ એવોર્ડ પોતાના નામે કર્યો હતો.

ભારત કૉસ્ટ્યૂમ ડિઝાઇનર ભાનુ અથૈય્યા પહેલી ભારતીય હતી જેને Oscars મળ્યો હતો. ભાનુને આ સન્માન વર્ષ 1982માં રિલીઝ થયેલી ફિલ્મ ગાંધીમાં બેસ્ટ કૉસ્ટ્યૂમ ડિઝાઇન કરવા માટે મળ્યો હતો. ફિલ્મની કહાની મહાત્મા ગાંધીના જીવન પર આધારિત હતી.

ફિલ્મ નિર્માતા સત્યજીત રેની છાપ આજે પણ ભારતીય સિનેમા પર છે. તેમને સિનેમામાં શાનદાર યોગદાન માટે 1992માં લાઇફટાઇમ અચીવમેન્ટ ઓસ્કાર એવોર્ડથી સન્માનિત કર્યા હતા.

મ્યૂઝિક ડાયરેક્ટર એઆર રહેમાનને ફિલ્મ સ્લમડૉગ મિલિયૉનર માટે આ સન્માન ગુલઝારની સાથે મળ્યો હતો. રહેમાને પોતાની સ્પીચમાં ફિલ્મ દિવારનો ડાયલૉગ 'મેરે પાસ માં હૈ' પણ બોલ્યો હતો.

ગુલઝાર અને રહેમાનને સ્લમડૉગ મિલિયૉનરના ગીત 'જય હો' માટે આ સન્માન આપવામાં આવ્યુ હતુ. આ ગીતનુ લિરિક્સ ગુલઝારે લખ્યું હતુ. બન્નેએ ઘણીવાર એકસાથે ગીતો બનાવ્યા, પરંતુ આ ગીતે તો બન્ને માટે ઇતિહાસ બનાવી દીધો હતો.

ભારતીય સાઉન્ડ ડિઝાઇનર રેસુલ પૂકુટ્ટીને સ્લમડૉગ મિલિયૉનરમાં શાનદાર કામ માટે ઓસ્કાર સન્માન મળ્યુ હતુ. તેને રહેમાનની સાથે વૈશ્વિક મંચ પર ભારતનુ ગૌરવ વધાર્યુ હતુ.