Health Tips: શું બોડી બનાવવા માટે ક્યાંક તમે તો નથી લેતાને પ્રોટીન શેક? જાણો તેના નુકસાન

Health Tips: પ્રોટીન શેક સ્વાસ્થ્ય માટે હાનિકારક હોઈ શકે છે. જો તેનું યોગ્ય માત્રામાં સેવન ન કરવામાં આવે તો તેની ગંભીર આડઅસર થઈ શકે છે. તેના બદલે, તમે કુદરતી પ્રોટીન વિકલ્પો પસંદ કરી શકો છો.

એ જાણવું જરૂરી છે કે પ્રોટીન શેક ખરેખર તમારા સ્વાસ્થ્ય માટે ફાયદાકારક છે કે પછી તેનાથી શરીર પર ગંભીર આડઅસર થઈ શકે છે. આવો જાણીએ..

મોટા ભાગના જિમ જનારાઓ મસલ્સ બનાવવા માટે પ્રોટીન શેક પીવે છે. ફિટનેસ અને બોડી બિલ્ડીંગના નામે તેનો ટ્રેન્ડ ચાલી રહ્યો છે. એવું માનવામાં આવે છે કે આનાથી સ્નાયુઓ મજબૂત થાય છે, વજન ઘટે છે અને શરીરની ઉર્જા વધે છે. આ જ કારણ છે કે યુવાનો કંઈપણ વિચાર્યા વગર તેનો (પ્રોટીન શેક) ઉપયોગ કરી રહ્યા છે.

પ્રોટીન શરીરના વિકાસ અને સ્નાયુઓના વિકાસ માટે જરૂરી છે. પ્રોટીન શેક તે લોકો માટે સારો હોઈ શકે છે જેમના આહારમાં પ્રોટીનની કમી છે. આ પીવાથી સ્નાયુઓ કસરત પછી સ્વસ્થ થાય છે અને થાક પણ દૂર થાય છે.