Winter Fashion Tips: સ્વેટર અને જીન્સ સાથે ક્રોપ ટોપનો ક્રેઝ, જાણો આ Winterની ટ્રેન્ડિંગ ફેશન

ઠંડી હોય કે ગરમી ખાસ કરીને છોકરીઓ એ વાતને લઈને હંમેશા કન્ફ્યુઝ હોય છે કે શું પહેરવું? ત્યારે આજે અમે તમને જણાવીશું કે આ શિયાળામાં તમે સ્વેટર અને જીન્સ સાથે ક્રોપ ટોપને કઇ સ્ટાઇલમાં પહરશો.

પ્રતિકાત્મક ફોટો

ફૂલગુલાબી ગુલાબી ઠંડીની શરૂઆત થઈ ગઈ છે. ત્યારે સ્વેટર સાથે કેવી ટીશર્ટ ટોપ કે ક્રોપ ટોપ પહેરવા તેને લઈને હંમેશા યુવતીઓ અસમંજસમાં હોય છે. ક્રોપ ટોપ એવા આઉટફિટ્સ છે જેને તમે ઉનાળો અને શિયાળો એમ બંને સિઝનમાં ખૂબ જ સ્ટાઇલિશ રીતે પહેરી શકો છો. ક્રોપ ટોપ એ એક મલ્ટિપર્પલ આઉટફિટ છે. જેને દરેક ઉંમરની યુવતીઓ અથવા મહિલાઓ પહેરી શકે છે. તમે ક્રોપ ટોપ સાથે શોર્ટ કોટ પણ પહેરી શકો છો. સાથે જ તમે બેલ્ટ પણ પહેરી શકો છો. જે તમારા દેખાવની સુંદરતામાં વધારો કરશે.

ઉનાળામાં તમે તેને જીન્સ, સ્કર્ટ, શોર્ટ્સ, ટ્રાઉઝર કે પલાઝો સાથે આરામથી કેરી કરી શકો છો પરંતુ સવાલ એ છે કે શિયાળામાં કંઈપણ એક્સપોઝ કર્યા વિના તમારું ક્રોપ ટોપ કેવી રીતે કેરી કરવું.