Ahmedabad Rain: અમદાવાદ થયું જળબંબાકાર, મુખ્ય માર્ગો પાણીમાં ગરકાવ, વરસાદે ફરી ખોલી મનપાની પોલ

Ahmedabad Rain: અમદાવાદમાં આજે સવારથી શરૂ થયેલો બફારો બપોરે 12 વાગ્યા પછી ધોધમાર વરસાદમાં ફેરવાયો હતો. ભારે વરસાદના કારણે શહેરના અનેક વિસ્તારોમાં પાણી ભરાયા હતા.

Ahmedabad Weather: આ ભારે વરસાદના કારણે શહેરમાં અનેક સમસ્યાઓ ઉભી થઈ છે. સ્થાનિક વહીવટ દ્વારા પાણી ભરાયેલા વિસ્તારોમાંથી પાણી ખેંચવાની કામગીરી શરૂ કરી દેવામાં આવી છે.

પૂર્વ અને પશ્ચિમ બંને વિસ્તારો પ્રભાવિત: શહેરના પૂર્વના વિસ્તારો જેમ કે નિકોલ, ગોપાલ ચોક, દાણીલીમડા વગેરેમાં ભારે વરસાદના કારણે ઘૂંટણસમા પાણી ભરાયા હતા. ઘણા ઘરો અને દુકાનોમાં પણ પાણી ઘૂસી ગયું હતું.

S.G. હાઈવે પર પાણી ભરાયું: શહેરના સૌથી વ્યસ્ત માર્ગોમાંના એક એવા S.G. હાઈવે પર પણ મૂશળધાર વરસાદથી પાણી ભરાયા હતા. સર્વિસ રોડ તો સંપૂર્ણપણે પાણીમાં ગરકાવ થઈ ગયો હતો, જેના કારણે વાહનચાલકોને ભારે મુશ્કેલીનો સામનો કરવો પડ્યો હતો.