અમદાવાદમાં ધોધમાર વરસાદ, એક કલાકમાં એક ઈંચ વરસાદ પડતા અનેક વિસ્તારમાં પાણી ભરાયા

Ahmedabad Rain: આજે બપોરના સમયે અમદાવાદના પશ્ચિમ અને મધ્ય ઝોનમાં અચાનક ધોધમાર વરસાદ તૂટી પડ્યો હતો.

Ahmedabad Weather: શહેરના આ વિસ્તારોમાં માત્ર એક કલાકમાં એક ઈંચ સુધીનો વરસાદ નોંધાયો હતો, જેના કારણે અનેક વિસ્તારોમાં પાણી ભરાઈ જવાની સ્થિતિ સર્જાઈ હતી.

પશ્ચિમ ઝોનમાં એસ.જી. હાઈવે, સોલા, થલતેજ, સાયન્સ સિટી, બોપલ, ઘુમા, સેટેલાઈટ, નવરંગપુરા, નારણપુરા, વસ્ત્રાપુર, શિવરંજની, માણેકબાગ, ઘાટલોડિયા, ગોતા અને રાણીપ સહિતના વિસ્તારોમાં ભારે વરસાદ નોંધાયો હતો.

મધ્ય ઝોનમાં જમાલપુર, પાલડી, ખાડિયા, લાલ દરવાજા, એલિસબ્રિજ, આંબાવાડી, વાડજ, સુભાષબ્રિજ અને શાહીબાગ જેવા વિસ્તારોમાં પણ સારો એવો વરસાદ પડ્યો હતો.