Cisco Layoffs: સિસ્કો 6,000 કર્મચારીઓની છટણી કરશે, આ કારણે કંપનીએ આ નિર્ણય લીધો

Layoff News: ટ્રાફિક ડાયરેક્ટ કરતી અને સ્વિચ બનાવતી કંપની સિસ્કો મોટા પાયે છટણીની યોજના બનાવી રહી છે. આગામી કેટલાક દિવસોમાં કંપની 6,000 કર્મચારીઓને નોકરીમાંથી કાઢી શકે છે.

Cisco Layoff News: દિગ્ગજ નેટવર્કિંગ કંપની સિસ્કો મોટા પાયે કર્મચારીઓની છટણીનો પ્લાન બનાવી રહી છે. કંપનીએ ચોથા ત્રિમાસિક એટલે કે મેથી જુલાઈના પરિણામો તાજેતરમાં જાહેર કર્યા હતા, જે અપેક્ષા કરતાં સારા નીકળ્યા. આમ છતાં કંપનીએ મોટા પાયે છટણીનો પ્લાન બનાવ્યો છે.

મની કંટ્રોલમાં પ્રકાશિત રિપોર્ટ અનુસાર કંપની તેના વર્કફોર્સમાં 7 ટકાનો ઘટાડો કરી શકે છે. કંપનીએ આ માહિતી યુએસ એક્સચેન્જને આપી છે. આ છટણીની અસર તેના 6,000 કર્મચારીઓ પર પડી શકે છે. આ વર્ષે આ બીજો વખત છે, જ્યારે કંપનીએ છટણીની જાહેરાત કરી છે. આ પહેલા ફેબ્રુઆરી 2024માં કંપનીએ 4,000 લોકોને નોકરીમાંથી કાઢી મૂક્યા હતા. આ કંપનીના વર્કફોર્સનો 5 ટકા હિસ્સો હતો.

જણાવી દઈએ કે સિસ્કો આ કાપ દ્વારા તેના ખર્ચને ઘટાડીને તેનું ધ્યાન સાયબર સુરક્ષા અને AI પર કેન્દ્રિત કરવા માંગે છે. અમેરિકામાં એક્સચેન્જ ફાઇલિંગમાં આપવામાં આવેલી માહિતી અનુસાર, આ પગલાંથી કંપનીને ખર્ચમાં 1 અબજ ડોલરનો ઘટાડો કરવામાં મદદ મળી શકે છે.