World Richest Companies: આ છે વિશ્વની ટોચની 10 સૌથી ધનિક કંપનીઓ, આઠ કંપનીઓ તો માત્ર અમેરિકાની જ છે

વિશ્વની ટોચની 25 કંપનીઓની યાદી બહાર આવી છે, જેમાં મોટાભાગની અમેરિકન કંપનીઓ સામેલ છે. જ્યારે ભારતનું નામ આ યાદીમાં નથી.

પ્રતિકાત્મક તસવીર

ટોપ ટેન કંપનીઓની યાદીમાં આઠ કંપનીઓ માત્ર અમેરિકાની છે, જેમાં એપલથી લઈને મેટા સુધીના નામ સામેલ છે. ઉપરાંત, સાઉદી અરેબિયા અને તાઈવાનની કંપની છે.

દુનિયાની સૌથી અમીર કંપનીની વાત કરીએ તો આ સ્થાન પર iPhone નિર્માતા કંપની Apple છે, જેની કુલ માર્કેટ કેપ $2.8 ટ્રિલિયન છે. માર્કેટને વધારવા માટે તાજેતરમાં તેના બે સ્ટોર મુંબઈ અને દિલ્હીમાં ખોલવામાં આવ્યા છે.

2.4 ટ્રિલિયન ડોલરની માર્કેટ કેપ સાથે બીજી સૌથી ધનિક કંપની માઇક્રોસોફ્ટ છે. તેના માલિક બિલ ગેટ્સ છે અને તે વિશ્વના છઠ્ઠા સૌથી અમીર વ્યક્તિ છે. આ પણ એક અમેરિકન કંપની છે.

ત્રીજા નંબરે સાઉદી અરેબિયાની કંપની સાઉદી અરામકો છે, જેની માર્કેટ કેપ $2 ટ્રિલિયન છે. આ એક ઓઈલ રિફાઈનરી કંપની છે.

આ પછી, ગૂગલની પેરેન્ટ કંપની આલ્ફાબેટ $1.55 ટ્રિલિયનની માર્કેટ કેપ સાથે ચોથા નંબર પર છે અને એમેઝોન $1.24 ટ્રિલિયનની માર્કેટ કેપ સાથે પાંચમા ક્રમે છે.

વર્લ્ડ ઓફ સ્ટેટિસ્ટિક્સના ડેટા અનુસાર, NVIDIA ની માર્કેટ કેપ $925 બિલિયન છે જે છઠ્ઠા નંબર પર છે, બર્કશાયર, જે સાતમી સૌથી ધનિક કંપની છે, તેની માર્કેટ કેપ $734 બિલિયન છે. એલોન મસ્કની ટેસ્લા $711 બિલિયનની માર્કેટ કેપ સાથે આઠમા નંબરે છે. આ પછી મેટા અને TSMC કંપની છે.