Amreli Rain: સાવરકુંડલામાં મેઘરાજાની સટાસટી, ધોધમાર વરસાદથી ફુલઝર નદીમાં પૂર

સાવરકુંડલામાં ભારે વરસાદ

અમરેલી: હવામાન વિભાગની વરસાદની આગાહી વચ્ચે આજે વહેલી સવારથી જ અમરેલી જિલ્લા પર મેઘરાજા મહેરબાન થયા છે. જિલ્લાના અનેક તાલુકાઓમાં સવારથી જ વરસાદ વરસી રહ્યો છે. સાવરકુંડલા તાલુકા આજે ભારે વરસાદ વરસ્યો છે. સાવરકુંડલા શહેર અને ગ્રામ્યમાં જોરદાર વરસાદ ખાબકતા અનેક નદીઓમાં પૂરની સ્થિતિ જોવા મળી હતી.

સાવરકુંડલા પંથકમાં અનરાધાર વરસાદ વરસ્યો છે. મેરીયાણા, ગોરડકા, ખડસલી, વીજપડી, લુવારા, ગાધકડા, લીખાળા, ભમ્મર સહિત ગ્રામ્ય વિસ્તારોમાં વરસાદ વરસ્યો છે.