Gujarat Rain: આ તારીખથી શરુ થશે વરસાદનો ત્રીજો રાઉન્ડ, રાજ્યમાં ભારેથી અતિ ભારે વરસાદની આગાહી

Gujarat Rain: આ તારીખથી શરુ થશે વરસાદનો ત્રીજો રાઉન્ડ, રાજ્યમાં ભારેથી અતિ ભારે વરસાદની આગાહી

પ્રતિકાત્મક તસવીર

અમદાવાદ: રાજ્યમાં આગામી 5 દિવસ વરસાદની આગાહી હવામાન વિભાગ દ્વારા કરવામાં આવી છે. આવનારા 2 દિવસ રાજ્યમાં ભારે વરસાદ રહશે. 16 અને 17 જુલાઈએ દક્ષિણ ગુજરાત અને સૌરાષ્ટ્રમાં ભારે વરસાદની આગાહી હવામાન વિભાગ દ્વારા કરવામાં આવી છે. આજે અમદાવાદ અને ગાંધીનગરમાં પણ સામાન્યથી ભારે વરસાદની આગાહી કરાઈ છે.

18 જુલાઈ બાદ રાજ્યમાં અત્યંત ભારે વરસાદની આગાહી કરવામાં આવી છે. બંગાળની ખાડીમાં સર્જાયેલા લો પ્રેશર સિસ્ટમના કારણે 18 જુલાઈથી અત્યંત ભારે વરસાદની આગાહી કરવામાં આવી છે. 16 જુલાઈ એ પોરબંદર, જૂનાગઢ,ગીર સોમનાથ, દાહોદ,છોટા ઉદેપુર,નવસારી અને વલસાડમાં વરસાદની આગાહી કરવામાં આવી છે.

17 જુલાઈએ અમરેલી, ભાવનગર,નવસારી અને વલસાડમાં ભારે વરસાદની આગાહી કરવામાં આવી છે. 18 જુલાઈએ અમરેલી,ભાવનગર,ભરૂચ, સુરત,નવસારી,અને વલસાડમાં અતિભારે વરસાદની આગાહી કરવામાં આવી છે.

19 જુલાઈએ પોરબંદર,જૂનાગઢ, ગીર સોમનાથ,અમદાવાદ,ખેડા, આણંદ, બરોડા, ભરૂચ,સુરત અને ડાંગમાં ભારે વરસાદી આગાહી કરવામાં આવી છે. 19 જુલાઈએ અમરેલી, ભાવનગર, નર્મદા, તાપી, નવસારી અને વલસાડમાં અત્યંત ભારે વરસાદનું ઓરેન્જ એલર્ટ આપવામાં આવ્યું છે.

20 જુલાઈએ કચ્છ, સુરેદ્રનગર, અમદાવાદ, બોટાદ, ભાવનગર, અમરેલી,ગીર સોમનાથ, આણંદ,ભરૂચ અને વલસાડમાં ભારે વરસાદની આગાહી કરવામાં આવી છે. દ્વારકા,જામનગર, પોરબંદર,સુરત અને નવસારીમાં પણ અત્યંત ભારે વરસાદનું ઓરેન્જ એલર્ટ આપવામાં આવ્યું છે. ગઇકાલે છોટાઉદેપુર અને ભાવનગરમાં સૌથી વધુ વરસાદ નોંધાયો હતો.

હવામાન વિભાગની આગાહી વચ્ચે રાજ્યમાં મેઘમહેર યથાવત છે. રાજ્યના અનેક જિલ્લાઓમાં ભારે વરસાદ વરસી રહ્યો છે.

(તમામ તસવીરો સોશિયલ મીડિયા)