Gujarat Rain: આગામી 7 દિવસ તૂટી પડશે ધોધમાર વરસાદ, જાણો હવામાન વિભાગની લેટેસ્ટ આગાહી

રાજ્યના હવામાન વિભાગે આગામી સાત દિવસ સુધી રાજ્યમાં વરસાદને લઈ આગાહી કરી છે.

પ્રતિકાત્મક તસવીર

અમદાવાદ: હવામાન વિભાગ દ્વારા વરસાદને લઈ આગાહી કરવામાં આવી છે. હવામાન વિભાગ અનુસાર, અરબસાગરમાં બનેલા ડિપ્રેસનના કારણે વરસાદ યથાવત રહેશે. સૌથી વધુ વરસાદ સૌરાષ્ટ્ર-કચ્છમાં પડ્યો છે. હવામાન વિભાગે આગામી સાત દિવસ રાજ્યમાં વરસાદની આગાહી કરી છે.

હવામાન વિભાગના જણાવ્યા અનુસાર, આગામી ત્રણ દિવસ સૌરાષ્ટ્રમાં ઓરેન્જ અલર્ટ સાથે ભારે વરસાદનું અનુમાન છે. આગામી ત્રણ દિવસ સુધી સૌરાષ્ટ્રના અનેક જિલ્લાઓમાં ભારે વરસાદ વરસી શકે છે.

આ સાથે જ હવામાન વિભાગે દક્ષિણ ગુજરાતનાં જિલ્લાઓમાં બે દિવસ યલો એલર્ટ જાહેર કર્યું છે. આગામી બે દિવસ આ વિસ્તારમાં મધ્યમથી લઈ ભારે વરસાદ વરસી શકે છે.

હવામાન વિભાગની આગાહી મુજબ બે દિવસ બાદ દક્ષિણ ગુજરાતમાં વરસાદનું જોર વધશે. મોન્સૂન ટ્રફ, સાયકલોનિક સર્ક્યુલેશનના કારણે વરસાદ વરસી રહ્યો છે.

રાજ્યમાં ભારે વરસાદની આગાહીને પગલે હવામાન વિભાગે માછીમારોને પાંચ દિવસ દરિયો ન ખેડવા સૂચના આપી છે. સિગ્નલ ઉપર LC3 સિગ્નલ જાહેર કરવામાં આવ્યું છે. દરિયામાં આજથી ચાર દિવસ બાદ પવનનું જોર વધશે.

રાજ્યના હવામાન વિભાગ દ્વારા અમદાવાદમાં હળવાથી મધ્યમ વરસાદની આગાહી કરવામાં આવી છે. અમદાવાદમાં વરસાદની આગાહી વચ્ચે બપોર બાદ ઝરમર વરસાદ વરસી રહ્યો છે.