Gujarat Rain: રાજ્યમાં વરસાદનું એલર્ટ; 13 જિલ્લામાં ઓરેન્જ, 23 જિલ્લામાં યલો એલર્ટ, આજથી 4 દિવસ ભારે વરસાદની આગાહી

Rain Alert: કચ્છ-સૌરાષ્ટ્રમાં અપર એર સાયક્લોનિક સર્ક્યુલેશન સક્રિય; આજે 122 થી વધુ તાલુકાઓમાં વરસાદ, સુરત શહેર અને જિલ્લામાં ધોધમાર વરસાદ; રથયાત્રાના દિવસે અમદાવાદમાં વરસાદની સંભાવના.

gujarat rain: ગુજરાત રાજ્યમાં આગામી ચાર દિવસ સુધી વીજળીના કડાકા-ભડાકા સાથે ધોધમાર વરસાદ વરસવાની હવામાન વિભાગે આગાહી કરી છે. કચ્છ-સૌરાષ્ટ્ર પર સર્જાયેલા અપર એર સાયક્લોનિક સર્ક્યુલેશનને કારણે સૌરાષ્ટ્ર, મધ્ય ગુજરાત અને દક્ષિણ ગુજરાતમાં ભારે વરસાદની શક્યતા વ્યક્ત કરવામાં આવી છે.

આજની વરસાદી સ્થિતિ અને એલર્ટ: આજે (જૂન 23) રાજ્યના કુલ 122 થી વધુ તાલુકાઓમાં વરસાદ નોંધાયો છે. જેમાં સૌથી વધુ વરસાદ સુરત શહેર અને જિલ્લામાં વરસ્યો છે, જ્યાં ધોધમાર વરસાદથી જનજીવન પ્રભાવિત થયું છે. હવામાન વિભાગે આજે 13 જિલ્લાઓ અને 3 સંઘ પ્રદેશોમાં વરસાદ માટે ઓરેન્જ એલર્ટ જાહેર કર્યું હતું, જ્યારે 15 જિલ્લાઓમાં યલો એલર્ટ જાહેર કરવામાં આવ્યું હતું.

આવતીકાલ (જૂન 24) માટે યલો એલર્ટ: હવામાન વિભાગ દ્વારા આવતીકાલ, જૂન 24 માટે રાજ્યના કુલ 23 જિલ્લાઓ અને સંઘ પ્રદેશોમાં વરસાદનું યલો એલર્ટ જાહેર કરવામાં આવ્યું છે. આ જિલ્લાઓમાં સૌરાષ્ટ્ર: રાજકોટ, જૂનાગઢ, ગીર સોમનાથ, અમરેલી, બોટાદ, ભાવનગર. મધ્ય ગુજરાત: અમદાવાદ, ગાંધીનગર, અરવલ્લી, ખેડા, આણંદ, મહીસાગર, પંચમહાલ, દાહોદ, વડોદરા, છોટા ઉદેપુર. દક્ષિણ ગુજરાત અને સંઘ પ્રદેશ: ભરૂચ, નર્મદા, તાપી, સુરત, નવસારી, ડાંગ, વલસાડ, દીવ, દમણ અને દાદરાનગર હવેલીનો સમાવેશ થાય છે.