Gujarat Rain: સૌરાષ્ટ્રના આ જિલ્લાઓમાં કાલે તૂટી પડશે વરસાદ, જાણો લેટેસ્ટ અપડેટ

Gujarat Rain: સૌરાષ્ટ્રના આ જિલ્લાઓમાં કાલે તૂટી પડશે વરસાદ, જાણો લેટેસ્ટ અપડેટ

પ્રતિકાત્મક તસવીર

અમદાવાદ: હવામાન વિભાગે 8 જુન સુધી રાજ્યમાં છુટાછવાયા વરસાદની આગાહી કરવામાં આવી છે. ક્યાંક હળવો તો ક્યાંક મધ્યમ વરસાદની હવામાન વિભાગે આગાહી કરી છે. હવામાન વિભાગ મુજબ આવતીકાલે અમદાવાદના નરેન્દ્ર મોદી સ્ટેડિયમમાં રમાનાર આઈપીએલની ફાઈનલ મેચમાં પણ વરસાદ વિલન બની શકે છે.

અમદાવાદમાં આવતીકાલે હળવાથી મધ્યમ વરસાદ વરસી શકે છે. આજે રાજ્યના 26 જિલ્લા અને ત્રણેય સંઘ પ્રદેશમાં હળવાથી મધ્યમ વરસાદની હવામાન વિભાગે આગાહી કરી છે.રાજ્યમાં સતત કમોસમી વરસાદ વરસી રહ્યો છે.

હવામાન વિભાગની આગાહી અનુસાર, આવતીકાલે સૌરાષ્ટ્રના સુરેન્દ્રનગર, બોટાદ, ભાવનગર, અમરેલી અને ગીર સોમનાથમાં ગાજવીજ સાથે હળવાથી મધ્યમ વરસાદ વરસી શકે છે. જ્યારે ઉત્તર ગુજરાતના બનાસકાંઠા, પાટણ, સાબરકાંઠા, મહેસાણા, અરવલ્લી, ગાંધીનગરમાં ગાજવીજ સાથે મધ્યમ વરસાદ વરસી શકે છે.

મધ્ય ગુજરાતના ખેડા, મહીસાગર, પંચમહાલ, દાહોદ, આણંદ, વડોદરા અને છોટા ઉદેપુરની સાથે દક્ષિણ ગુજરાતના ભરૂચ, નર્મદા, સુરત, તાપી, નવસારી, ડાંગ, વલસાડમાં પણ મધ્યમ વરસાદની હવામાન વિભાગે આગાહી કરી છે.

સંઘ પ્રદેશ દીવ દમણ અને દાદરાનગર હવેલીમાં પણ મધ્યમ વરસાદની હવામાન વિભાગે આગાહી વ્યક્ત કરી છે.

ગુજરાતમાં આ વર્ષે ચોમાસાનું આગમન વહેલું થશે. આ વર્ષે ચોમાસા પહેલા જ સતત કમોસમી વરસાદ વરસી રહ્યો છે.