Gujarat Rain: 2 વાગ્યા સુધીમાં રાજ્યના 99 તાલુકામાં વરસાદ, સોનગઢમાં 7 ઈંચથી વધુ

Gujarat Rain: 2 વાગ્યા સુધીમાં રાજ્યના 99 તાલુકામાં વરસાદ, સોનગઢમાં 7 ઈંચથી વધુ

તાપી જિલ્લામાં ધોધમાર વરસાદ

અમદાવાદ: રાજ્યમાં ફરી એક વખત વરસાદનો બીજો રાઉન્ડ શરુ થયો છે. હવામાન વિભાગ દ્વારા પણ આગામી પાંચ દિવસ સુધી રાજ્યમાં ભારે વરસાદની આગાહી કરાઈ છે. રાજ્યમાં બપોરના 2 વાગ્યા સુધીમાં 99 તાલુકાઓમાં વરસાદ નોંધાયો છે. ઓલણ નદીના પાણી તાપીના પંચોલ ગામમાં ઘૂસ્યા છે. ઓલણ નદીના પાણીથી પંચોલ ગામમાં જળબંબાકારની સ્થિતિ જોવા મળી છે. પંચોલ ગામની આશ્રમ શાળામાં પાણી ભરાયા છે. આશ્રમ શાળામાં ફસાયેલા બાળકોનું રેસ્ક્યૂ ઑપરેશન હાથ ધરવામાં આવ્યું હતું. NDRFની ટીમે ફસાયેલા બાળકોનું રેસ્ક્યૂ ઑપરેશન કર્યું. આશ્રમ શાળામાંથી બાળકોને સુરક્ષિત સ્થળે ખસેડાયા હતા.

સોનગઢ તાલુકામાં તેમજ ઉપરવાસમાં પડેલા વરસાદ વચ્ચે રોડ રસ્તા પાણી પાણી થયા છે. સોનગઢથી ટોકરવા થઈ વ્યારાને જોડતો માર્ગ પાણીમાં ગરકાવ થયો છે. સોનગઢથી સાપુતારા તરફ જતા માર્ગ પર પણ પાણી ફરી વળ્યા છે. માર્ગ સાવચેતીના ભાગરૂપે બંધ કરવામાં આવ્યો છે. તાપી જિલ્લામાં વહેલી સવારથી જ વરસાદી માહોલ જામ્યો છે.