Gujarat Weather: વરસાદ હજુ ગયો નથી, આ તારીખથી ફરી ભુક્કા બોલાવશેઃ પરેશ ગોસ્વામીની આગાહી

Paresh Goswami Rain Prediction: પ્રખ્યાત હવામાન નિષ્ણાત પરેશ ગોસ્વામીએ ગુજરાત રાજ્યમાં આગામી દિવસોમાં વરસાદની સંભાવના અંગે મહત્વપૂર્ણ આગાહી કરી છે.

Gujarat rain forecast: તેમના મતે, રાજ્યમાં હજુ ચોમાસાની વિદાય થઈ નથી અને સપ્ટેમ્બરના છેલ્લા સપ્તાહમાં વરસાદનો એક રાઉન્ડ આવવાની પૂરેપૂરી શક્યતા છે.

10થી 14 સપ્ટેમ્બર દરમિયાન પવનની ગતિમાં વધારો થવાની અપેક્ષા છે. બંગાળની ખાડીમાં સક્રિય સિસ્ટમને કારણે સપ્ટેમ્બરના છેલ્લા સપ્તાહમાં એક વરસાદી સિસ્ટમ બનશે.

24 સપ્ટેમ્બરથી રાજ્યમાં 4-5 દિવસ સુધી વરસાદનો એક રાઉન્ડ શરૂ થશે. અંદાજે 60-70 ટકા વિસ્તારમાં વરસાદની અસર જોવા મળશે.

2-5 ઇંચ સુધી વરસાદ પડવાની શક્યતા છે. ઉત્તર, મધ્ય, દક્ષિણ અને સૌરાષ્ટ્રના ભાગોમાં વરસાદની વધુ શક્યતા છે.

ગોસ્વામીએ જણાવ્યું કે આ વર્ષના ચોમાસાની આ છેલ્લી સિસ્ટમ હશે. તેમણે ઉમેર્યું કે નવરાત્રિ દરમિયાન છૂટોછવાયો વરસાદ પડી શકે છે અને ઓક્ટોબરમાં ભારે વરસાદની શક્યતા છે.

આ ઉપરાંત, તેમણે આગાહી કરી કે ઓક્ટોબરના પ્રથમ સપ્તાહથી ચોમાસાની વિદાય શરૂ થઈ જશે.