Weather News: પશ્ચિમ કચ્છમાં અચાનક પલટાયું વાતાવરણ, અનેક વિસ્તારોમાં વરસાદી ઝાપટાં

Gujarat Weather: નખત્રાણા અને ભુજના કેટલાક ભાગોમાં કમોસમી વરસાદ, વાદળછાયું વાતાવરણ છવાયું.

Gujarat rain news: પશ્ચિમ કચ્છમાં આજે બપોર બાદ અચાનક વાતાવરણમાં પલટો જોવા મળ્યો. નખત્રાણા તાલુકાના પાવરપટ્ટી વિસ્તાર અને ઉલટ વિસ્તારમાં કમોસમી વરસાદના ઝાપટાં પડ્યા હતા, જેના કારણે વાતાવરણમાં ઠંડક પ્રસરી ગઈ હતી.

ભુજ શહેરમાં પણ બપોર બાદ વરસાદી માહોલ સર્જાયો હતો અને શહેરના અનેક વિસ્તારોમાં હળવા વરસાદી ઝાપટાં પડ્યા હતા.

ખાસ કરીને ભુજના કોડકી અને મખણા વચ્ચેના વાડી વિસ્તારમાં ભારે ઝાપટું વરસ્યું હતું, જેના કારણે ખેડૂતોમાં થોડી ચિંતા જોવા મળી હતી.

આ ઉપરાંત, પશ્ચિમ કચ્છના અન્ય વિસ્તારોમાં પણ વાદળછાયું વાતાવરણ જોવા મળ્યું હતું.

બપોર સુધી તડકો હતો, પરંતુ અચાનક વાદળો ઘેરાઈ ગયા અને કેટલાક વિસ્તારોમાં વરસાદ પડ્યો.

હવામાનમાં આવેલા આ પરિવર્તનથી લોકોને ગરમીથી થોડી રાહત મળી હતી.

જો કે, આ કમોસમી વરસાદના કારણે ખેતીના પાકને નુકસાન થવાની પણ સંભાવના છે.

ભારે ઝાપટાં રૂપે પડેલા વરસાદના કારણે કેટલાક નીચાણવાળા વિસ્તારોમાં પાણી ભરાયા હોવાના પણ સમાચાર મળ્યા છે.