રાજ્યમાં ચોમાસાને લઈ અંબાલાલ પટેલે કરી દિધી આગાહી, જાણો ક્યારે તૂટી પડશે વરસાદ

રાજ્યમાં ચોમાસાને લઈ અંબાલાલ પટેલે કરી દિધી આગાહી, જાણો ક્યારે તૂટી પડશે વરસાદ

અંબાલાલ પટેલ

Gujarat Rain: હવામાન નિષ્ણાત અંબાલાલ પટેલની લેટેસ્ટ આગાહી અનુસાર 12 અને 13 મે દરમિયાન ઉત્તર ગુજરાતના કેટલાક ભાગોમાં વરસાદ આવી શકે છે. તો ત્રણ દિવસના બ્રેક બાદ 15 થી 19 મે દરમિયાન રાજ્યના વિવિધ ભાગોમાં ફરીથી વરસાદ આવી શકે છે.

અંબાલાલ પટેલના જણાવ્યા અનુસાર, કૃતિકા નક્ષત્રમાં રાજ્યમાં કેટલાક ભાગોમાં આંધી વંટોળ સાથે વરસાદ આવવાની શક્યતા છે. વરસાદ સાથે રાજ્યમાં પવનનું જોર પણ રહેશે.

અંબાલાલ પટેલે ગુજરાતમાં ચોમાસા અંગે આગાહી કરતા કહ્યું કે, 25 મેથી 4 જુન વચ્ચે અરબી સમુદ્રમાં સિસ્ટમ બની શકે છે. અરબી સમુદ્રમાં સિસ્ટમ બનતા તે ચક્રવાતમાં ફેરવાઈ શકે છે.

28 મેથી 4 જુન વચ્ચે રાજ્યમાં રોહિણી નક્ષત્રમાં વિવિધ ભાગોમાં વરસાદ આવી શકે છે. 13 મેથી અંદામાન નિકોબાર ટાપુ પર ચોમાસું બેસવાની શક્યતા છે. તેના બાદ 28 મેથી 4 જુન સુધી કેરળમાં ચોમાસું પ્રવેશ કરી શકે છે.

આ દરમિયાન રાજ્યમાં ભારે પવન ફૂંકાઈ શકે છે. તેમણે કહ્યું કે, ચોમાસુ વહેલું આવશે. ગુજરાતમાં 15 જુનની આસપાસ પહેલો વરસાદ આવશે. 25 જુનથી 5 જુલાઈ વચ્ચે વરસાદ આવશે. તેના બાદ સપ્ટેમ્બરમાં પાછોતરો વરસાદ થશે.

હવામાન વિભાગ દ્વારા પણ રાજ્યમાં આગામી બે દિવસ સુધી વરસાદની આગાહી કરવામાં આવી છે. સૌરાષ્ટ્ર કચ્છ સિવાય ઘણા જિલ્લાઓમાં વરસાદની આગાહી કરવામાં આવી છે.