આ હસ્તીઓને મળ્યો પદ્મ પુરસ્કાર, પૂર્વ CDS જનરલ રાવતને મરણોત્તર પદ્મ વિભૂષણ, જુઓ Pics

આ હસ્તીઓને મળ્યો પદ્મ પુરસ્કાર

રાષ્ટ્રપતિ રામ નાથ કોવિંદે સોમવારે રાષ્ટ્રપતિ ભવન ખાતે આયોજિત નાગરિક સન્માન સમારોહમાં પદ્મ ભૂષણ એવોર્ડ એનાયત કર્યો હતો. વર્ષ 2022 માટે, 4 પદ્મ વિભૂષણ, 8 પદ્મ ભૂષણ અને 54 પદ્મશ્રી પુરસ્કારો આપવામાં આવ્યા હતા.

જનરલ બિપિન રાવત અને ગીતાપ્રેસ ગોરખપુરના પ્રમુખ રાધેશ્યામ ખેમકાને પદ્મ વિભૂષણ (મરણોત્તર) એનાયત કરવામાં આવ્યા હતા. જનરલ બિપિન રાવતનો એવોર્ડ લેવા માટે પુત્રીઓ કૃતિકા અને તારિણી પહોંચી હતી.

તે જ સમયે રાધેશ્યામ ખેમકાનો એવોર્ડ લેવા તેમના પુત્ર કૃષ્ણ કુમાર ખેમકા પહોંચ્યા હતા.

કોંગ્રેસના વરિષ્ઠ નેતા ગુલામ નબી આઝાદને પદ્મ ભૂષણ પુરસ્કારથી સન્માનિત કરવામાં આવ્યા હતા. ગુલામ નબીને આ સન્માન સમાજ સેવાના ક્ષેત્ર માટે આપવામાં આવ્યું છે.

ટોક્યો પેરાલિમ્પિકમાં ભારત માટે ભાલા ફેંકમાં સિલ્વર મેડલ જીતનાર દેવેન્દ્ર ઝાઝરિયાને પદ્મ ભૂષણ એવોર્ડથી સન્માનિત કરવામાં આવ્યા હતા.

રાષ્ટ્રપતિ રામનાથ કોવિંદે SIIના એમડી સાયરસ પૂનાવાલાને પદ્મ ભૂષણથી સન્માનિત કર્યા.

રાષ્ટ્રપતિ રામનાથ કોવિંદે પેરા-શૂટર અવની લેખરાને પદ્મશ્રી એવોર્ડથી સન્માનિત કર્યા.

રાષ્ટ્રપતિ કોવિંદે સચ્ચિદાનંદ સ્વામીને સાહિત્ય અને શિક્ષણમાં તેમના કાર્ય માટે પદ્મ ભૂષણ પુરસ્કારથી સન્માનિત કર્યા.