US Woman Rare Water Disease: મહિલાઓમાં વધ્યા આ વિચિત્ર ગંભીર બીમારીના કેસ, આ કારણે માથામાંથી નીકળે છે લોહી

એક્વાજેનિક અિટકૅરીયા નામનો ગંભીર રોગ મોટે ભાગે સ્ત્રીઓને અસર કરે છે. આ કારણે જ્યારે પણ ટેસા પાણીને સ્પર્શે છે ત્યારે તેને બ્લિડિંગ થાય છે

ટેસા હૈનસેન સ્મિથ

Water Rare Disease: આ દુનિયામાં કોઈ પણ મનુષ્ય કે પ્રાણી પાણી વિના જીવી શકે નહીં. પાણીનો ઉપયોગ નાના-મોટા દરેક હેતુ માટે થાય છે. જેમ કે પીવું, સ્નાન કરવું, રસોઇ કરવી,આ સિવાયના પણ અનેક કામ છે, જેમાં પાણીનો ઉપયોગ અનિવાર્ય છે

અમેરિકાના કેલિફોર્નિયાના ફ્રેસ્નોમાં રહેતી 25 વર્ષની ટેસા હેન્સન-સ્મિથને પાણીની ગંભીર એલર્જી છે. તેના માટે, પાણીને સ્પર્શવું એ અગ્નિને સ્પર્શવા જેવું છે. તે પાણીના સંપર્કમાં આવતા જ તેની ત્વચા પર ફોલ્લીઓ દેખાય છે અને શિળસ દેખાય છે.

ટેસા હેન્સન-સ્મિથને પાણીથી એટલી એલર્જી છે કે જ્યારે પણ તે સ્નાન કરે છે ત્યારે તેના પર પાણીનું ટીપું પડતાં જ તેના વાળમાંથી લોહી નીકળવા લાગે છે. તેના શરીરના તે ભાગ પર લાલ ફોલ્લીઓ દેખાય છે જ્યાં તેને પરસેવો થાય છે.

25 વર્ષની ટેસા હેન્સન-સ્મિથ 8 વર્ષની હતી ત્યારથી જ પાણીની એલર્જીથી પીડિત છે. જ્યારે આંસુ બહાર આવે છે, તે પણ મુશ્કેલીનું કારણ બને છે.

માનવ શરીરમાં લગભગ 70 ટકા પાણી હોય છે. જોકે, આ પાણી ટેસા હેન્સન-સ્મિથ માટે ઝેરથી ઓછું નથી. તે એક ગંભીર રોગથી પીડિત છે, જેને તબીબી પરિભાષામાં એક્વાજેનિક અર્ટિકેરિયા કહેવામાં આવે છે. તેણીએ જણાવ્યું કે જ્યારે તે સ્નાન કરીને બહાર આવે છે, ત્યારે તેના ચહેરા સહિત તેના આખા શરીર પર ઊંડા ઘા થાય

ટેસા હેન્સન-સ્મિથને પણ ખોપરી ઉપરની ચામડીમાંથી લોહી વહેવા લાગતુ અને તે પીડાથી રડતી હતી.

યુએસ નેશનલ ઇન્સ્ટિટ્યૂટ ઑફ હેલ્થ અનુસાર, એક્વાજેનિક અિટકૅરીયા એ એક દુર્લભ સ્થિતિ છે જેમાં ત્વચા પાણીના સંપર્કમાં આવ્યા પછી અિટકૅરીયાની સમસ્યા શરૂ થાય છે. જેના કારણે શરીરના અલગ-અલગ ભાગોમાં બર્નિંગ સેન્સેશન થાય છે. ABCના રિપોર્ટ અનુસાર, દુનિયાભરમાં કુલ 250 લોકોને આ બીમારી છે.

એક્વાજેનિક અિટકૅરીયા નામનો ગંભીર રોગ મોટે ભાગે સ્ત્રીઓને અસર કરે છે. આ કારણે જ્યારે પણ ટેસા પાણીને સ્પર્શે છે ત્યારે તેને માઈગ્રેન થવા લાગે છે. પાણીના સંપર્કમાં આવ્યાની થોડી જ મિનિટોમાં, તેઓને ઝડપથી તાવ આવે છે. પાણીનો એક ઘૂંટ પણ તેમના માટે ઝેર બની ગયો છે.