Indian Breed Cow: કઈ ભારતીય જાતિની ગાય 40 કરોડમાં વેચાઈ,જાણો કેમ આટલી ઊંચી લાગી બોલી?

Indian Breed Cow: બ્રાઝિલમાં ભારતીય જાતિની નેલ્લોર ગાય વિઆટીના-19 ના 40 કરોડ રૂપિયામાં વેચાણથી એક નવો ગિનિસ વર્લ્ડ રેકોર્ડ બન્યો. આ ગાયની ખાસિયત અને વિશ્વમાં તેની માંગ વિશે અહીં જાણો.

તાજેતરમાં, બ્રાઝિલના મિનાસ ગેરાઈસમાં એક પશુ મેળામાં એક અનોખી ઘટના બની જ્યારે વિઆટીના-19 નામની ભારતીય નેલ્લોર જાતિની ગાય 40 કરોડ રૂપિયામાં વેચાઈને નવો વિશ્વ રેકોર્ડ બનાવ્યો.

આ ડીલને ગિનિસ બુક ઓફ વર્લ્ડ રેકોર્ડ્સમાં ગાય માટે અત્યાર સુધીની સૌથી મોંઘી બોલી તરીકે નોંધવામાં આવી છે.

વિઆટીના-19 નામની આ ગાય તેના અસાધારણ જનીનો અને શારીરિક સુંદરતા માટે જાણીતી છે. 1101 કિલો વજન ધરાવતી આ ગાય તેની જાતિની અન્ય ગાયો કરતા લગભગ બમણી ભારે છે.

યાતિના-19 નામની ગાયના અનોખા કદ અને સુંદરતાના કારણે તેને મિસ સાઉથ અમેરિકાનો ખિતાબ પણ મળ્યો, જેના કારણે તે સમગ્ર વિશ્વમાં પ્રખ્યાત થઈ.

નેલ્લોર જાતિની ઓળખ ફક્ત તેની સુંદરતા અને મોટા કદ સુધી મર્યાદિત નથી. તેના અસાધારણ જનીનોને કારણે, વિશ્વભરના ખેડૂતો ઉચ્ચ ગુણવત્તાવાળી જાતિની ગાયો ઉત્પન્ન કરવા માટે તેના સંતાનોનું સંવર્ધન કરી રહ્યા છે.

નેલ્લોર ગાયોની જાતિ, જેને ઓંગોલ જાતિ તરીકે પણ ઓળખવામાં આવે છે. તે ખાસ કરીને ભારતના આંધ્રપ્રદેશ અને તેલંગાણામાં જોવા મળે છે. નેલ્લોર જાતિની ગાયોની સૌથી મોટી ખાસિયત એ છે કે તેઓ અત્યંત મુશ્કેલ અને ગરમ પરિસ્થિતિમાં પણ સરળતાથી ટકી શકે છે.

આ ગાયોની રોગપ્રતિકારક શક્તિ એટલી મજબૂત છે કે તેઓ રોગો સામે લડવામાં સક્ષમ છે. આ ગાયો ઓછી કેર સાથે મુશ્કેલ પરિસ્થિતિઓમાં પણ ટકી શકે છે, જેના કારણે તેમનો ઉછેર સરળ બને છે.