Rahul Chahar Wedding: ટીમ ઇન્ડિયાના યુવા સ્ટાર રાહુલ ચહરની ગોવામાં ડેસ્ટિનેશન વેડિંગ, જુઓ તસવીરો

ટીમ ઈન્ડિયાના યુવા સ્ટાર અને પંજાબ કિંગ્સના સ્પિનર રાહુલ ચહર આજે એટલે કે 9 માર્ચના રોજ લગ્ન કરી રહ્યો છે. રાહુલ ચહર ગોવામાં ડેસ્ટિનેશન વેડિંગ કરી રહ્યો છે. દરમિયાન તેની હલ્દી સેરેમનીની તસવીરો બહાર આવી છે. રાહુલ ચહર ફેશન ડિઝાઈનર ઈશાની સાથે લગ્ન કરી રહ્યો છે.

રાહુલ ચહરે તેના ઈન્સ્ટાગ્રામ પર હલ્દી સેરેમનીની તસવીરો શેર કરી છે. રાહુલ સિવાય તેના ભાઇ દીપક ચહર, બહેન માલતી ચહરે પણ ફોટા શેર કર્યા છે.

22 વર્ષીય રાહુલ ચહરે વર્ષ 2019માં જ સગાઈ કરી લીધી હતી. કોરોનાના કારણે લગ્ન થોડા સમય માટે સ્થગિત કરાયા હતા. ડેસ્ટિનેશન વેડિંગ 9 માર્ચે ગોવામાં યોજાઇ રહ્યા છે. ત્યારબાદ 12 માર્ચે રિસેપ્શન યોજાયું હતું.

રાહુલ ચહરે ભારત માટે અત્યાર સુધી 6 T20 ઈન્ટરનેશનલ મેચ રમી છે, જેમાં તેણે 7 વિકેટ લીધી છે. આ સિવાય તેણે એક ODI મેચ રમી છે, જેમાં તેને 3 વિકેટ ઝડપી છે.

વર્ષ 2017માં આઈપીએલ ડેબ્યૂ કરનાર રાહુલ ચહરે સૌપ્રથમ રાઈઝિંગ પુણે સુપરજાયન્ટ્સ તરફથી રમ્યો હતો. ત્યારબાદ તેને મુંબઈ ઈન્ડિયન્સે ખરીદ્યો હતો.

IPL મેગા ઓક્શન 2022માં રાહુલ ચહરને પંજાબ કિંગ્સની ટીમે 5.25 કરોડ રૂપિયામાં ખરીદ્યો છે. રાહુલ ચહરે આઈપીએલમાં 42 મેચ રમી છે, જેમાં તેણે 43 વિકેટ લીધી છે. હવે રાહુલ ચહર IPL 2022માં પંજાબ કિંગ્સ ટીમ સાથે રમશે.

રાહુલ ચહરનો ભાઈ દીપક ચહર પણ ટીમ ઈન્ડિયાનો એક મહત્વનો હિસ્સો છે. જોકે, દીપક ચહરને છેલ્લી સિરીઝમાં જ ઈજા થઈ હતી, જેના કારણે તે આઈપીએલની શરૂઆતની મેચમાંથી બહાર થઈ ગયો છે.

તમામ તસવીરો ઇન્સ્ટાગ્રામ પરથી લેવામાં આવી છે.

આ તસવીરો રાહુલ ચહરે ઇન્સ્ટાગ્રામ પર શેર કરી છે.

આ તસવીરો રાહુલ ચહરે ઇન્સ્ટાગ્રામ પર શેર કરી છે.