IND vs SL: ભારત અને શ્રીલંકા વચ્ચેની ટેસ્ટ મેચોમાં મુરલીધરને લીધી છે સૌથી વધુ વિકેટ, આ છે ટોચના પાંચ બોલર્સ

મોહાલીઃ શ્રીલંકાને ટી-20 શ્રેણીમાં 3-0થી ક્લીન સ્વીપ કર્યા બાદ ભારતીય ટીમે ટેસ્ટ મેચની તૈયારી શરૂ કરી દીધી છે. બંને ટીમો વચ્ચે બે મેચની ટેસ્ટ શ્રેણીની પ્રથમ મેચ મોહાલીમાં 4 માર્ચથી શરૂ થશે. આ ટેસ્ટ શ્રેણીમાં ભારતીય ટીમ પોતાનો મજબૂત રેકોર્ડ જાળવી રાખવા માટે શ્રીલંકા સામે ઉતરશે.

લેજન્ડરી સ્પિનર મુથૈયા મુરલીધરન ભારત અને શ્રીલંકા વચ્ચેની ટેસ્ટ મેચમાં સૌથી સફળ બોલર રહ્યો છે. ટેસ્ટ ક્રિકેટમાં તેણે ભારત સામે 22 ટેસ્ટમાં 105 વિકેટ ઝડપી છે. બંને દેશો વચ્ચેની મેચમાં 100થી વધુ વિકેટ લેનારો તે એકમાત્ર બોલર છે.