PHOTOS: રોહિતના 500 છગ્ગા તો ધોનીના 5000 રન પુરા, ચેન્નાઇ-મુંબઇ મેચમાં થયો મહારેકોર્ડનો વરસાદ

મુંબઈ ઈન્ડિયન્સના લક્ષ્યનો પીછો કરતી વખતે રોહિત શર્માએ પણ અણનમ સદી ફટકારી હતી

(તસવીર- સોશ્યલ મીડિયા પરથી)

MI vs CSK Records: IPL 2024માં ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે રમાયેલી મેચમાં ઘણા મોટા રેકોર્ડ જોવા મળ્યા હતા. ચાલો જાણીએ તમામ મહાન રેકોર્ડ.

IPL 2024 ની 29 નંબરની મેચ ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે વાનખેડે સ્ટેડિયમમાં રમાઈ હતી. ચેન્નાઈએ આ મેચ 20 રને જીતી લીધી હતી.

મુંબઈ ઈન્ડિયન્સના લક્ષ્યનો પીછો કરતી વખતે રોહિત શર્માએ પણ અણનમ સદી ફટકારી હતી પરંતુ તે ટીમને જીત તરફ લઈ જઈ શક્યો ન હતો. આ સિવાય મેચમાં કેટલાક ખાસ શાનદાર રેકોર્ડ પણ બન્યા હતા.

રોહિત શર્માની 500 સિક્સરઃ ચેન્નાઈ સામેની મેચ દ્વારા રોહિત શર્માએ તેની T20 કેરિયરમાં 500 સિક્સરનો આંકડો પાર કર્યો. રોહિત આ આંકડાને સ્પર્શનાર પ્રથમ ભારતીય અને એકંદરે પાંચમો બેટ્સમેન બન્યો છે. ટી20 ક્રિકેટમાં સૌથી વધુ 1056 સિક્સર ફટકારવાનો રેકોર્ડ ક્રિસ ગેલના નામે છે.

ધોનીના 5 હજાર રન: એમએસ ધોનીએ ચેન્નાઈ સુપર કિંગ્સ તરફથી રમતા 5000 રન પૂરા કર્યા. ધોનીએ મુંબઈ સામે 20* રનની અણનમ ઇનિંગ રમી હતી, જેની સાથે તેણે 5 હજાર રનના આંકડાને સ્પર્શ કર્યો હતો. ધોની ચેન્નાઈ માટે 5 હજાર રન બનાવનાર બીજો બેટ્સમેન બન્યો.

CSK માટે 250 મેચઃ એમએસ ધોનીએ ચેન્નાઈ સુપર કિંગ્સ માટે 250 મેચ રમી છે. આ આંકડાને સ્પર્શનાર તે ચેન્નાઈનો પ્રથમ ખેલાડી બન્યો છે.

મથિશા પથિરાનાઃ મુંબઈ સામે રમાયેલી મેચમાં ચેન્નાઈના ફાસ્ટ બોલર મથિશા પથિરાનાએ ચાર ઓવરમાં 28 રન આપીને 4 વિકેટ લીધી હતી, જેની સાથે તે ચેન્નાઈ માટે ચાર વિકેટ લેનારો સૌથી યુવા ખેલાડી બન્યો હતો. પથિરાનાએ 21 વર્ષ અને 118 દિવસની ઉંમરમાં આ સિદ્ધિ હાંસલ કરી હતી.