IPL 2025 Final માં આ ખેલાડીને મળી TATA CURVV કાર, સુપર સ્ટ્રાઇકર ઓફ ધ સિઝનની મળી ટ્રૉફી

RCB VS PBKS Final: 14 વર્ષના વૈભવ સૂર્યવંશીએ આ સિઝનમાં શાનદાર બેટિંગ કરી. તેને સુપર સ્ટ્રાઈકર ઓફ ધ સિઝનનો એવોર્ડ મળ્યો છે. આ સાથે તેને ટાટા કર્વ કાર પણ મળી છે

(તસવીર- એબીપી લાઇવ)

RCB VS PBKS Final: IPL 2025 પુરી થઇ ગઇ છે. રયલ ચેલેન્જર્સ બેંગ્લોરે 17 વર્ષ પછી ટ્રોફી જીતી છે. ફાઇનલ મેચ પછી ઘણા ખેલાડીઓને એવોર્ડ આપવામાં આવ્યા હતા. આ દરમિયાન વૈભવ સૂર્યવંશીને ટાટા કર્વ સુપર સ્ટ્રાઈકર ઓફ ધ સીઝનનો એવોર્ડ મળ્યો. તેને ટાટા કર્વ કાર પણ મળી.

સુપર સ્ટ્રાઈક ઓફ ધ સિઝન એવોર્ડ તે ખેલાડીને આપવામાં આવે છે જેણે આખી સિઝનમાં સૌથી વધુ સ્ટ્રાઈક રેટથી રન બનાવ્યા હોય અને આખી સિઝનમાં ઓછામાં ઓછા 100 બોલ રમ્યા હોય.

રાજસ્થાન રોયલ્સ તરફથી રમતી વખતે વૈભવે આ સિઝન દરમિયાન શાનદાર બેટિંગ કરી. ૧૪ વર્ષના વૈભવને શરૂઆતની મેચોમાં રમવાની તક મળી ન હતી. પરંતુ જ્યારે તેને તક મળી ત્યારે તેણે ક્યારેય પાછળ વળીને જોયું નહીં.

વૈભવે આ સિઝનમાં માત્ર 35 બોલમાં સદી ફટકારી. તે સૌથી ઓછા બોલમાં સદી ફટકારનાર ભારતીય બેટ્સમેન બન્યો. તે IPLમાં સદી ફટકારનાર સૌથી નાની ઉંમરનો ખેલાડી બન્યો.

વૈભવે આ સિઝનમાં સાત મેચ રમી હતી. આ સમય દરમિયાન, વૈભવનું બેટ ઝડપથી રન બનાવી રહ્યું હતું. આ સિઝનમાં, આ 14 વર્ષીય ખેલાડીનો સ્ટ્રાઇક રેટ નિકોલસ પૂરન અને આન્દ્રે રસેલ જેવા દિગ્ગજ ખેલાડીઓ કરતાં સૌથી વધુ હતો.

વૈભવ સમગ્ર સિઝન દરમિયાન 206.56 ના સ્ટ્રાઇક રેટથી રન બનાવી રહ્યો હતો. વૈભવે 7 મેચમાં 36 ની સરેરાશથી 252 રન બનાવ્યા. આ સમયગાળા દરમિયાન, તેણે 1 અડધી સદી અને 1 સદી ફટકારી.