Gujarat Rain: ભીષણ ગરમી વચ્ચે વરસાદનું ઓરેન્જ એલર્ટ, આ જિલ્લાઓમાં ખાબકશે વરસાદ

Gujarat Rain: ભીષણ ગરમી વચ્ચે વરસાદનું ઓરેન્જ એલર્ટ, આ જિલ્લાઓમાં ખાબકશે વરસાદ

ગુજરાતમાં વરસાદની આગાહી

અમદાવાદ: રાજ્યમાં અચાનક હવામાનમાં પલટો આવ્યો છે. ગુજરાતના અનેક જિલ્લાઓમાં વરસાદ પડ્યો છે. હવામાન વિભાગ દ્વારા વરસાદને લઈ આગાહી પણ કરવામાં આવી છે. આજે વરસાદને લઇ ઓરેન્જ એલર્ટ જાહેર કરવામાં આવ્યું છે. 8મે સુધી રાજ્યમાં વરસાદની આગાહી કરવામાં આવી છે. અમદાવાદમાં વરસાદને લઇ યલો એલર્ટ આપવામાં આવ્યું છે. આજે કચ્છ, બનાસકાંઠા, સાબરકાંઠા, પંચમહાલ, અરવલ્લી, પાટણ, મહેસાણા, દાહોદ, નર્મદામાં વરસાદની આગાહી કરાઈ છે.

સોમવાર 5મેના દિવસે પણ રાજ્યના અનેક જિલ્લાઓમાં વરસાદની આગાહી કરવામાં આવી છે. જેમાં કચ્છ, બનાસકાંઠા, અમરેલી, ભાવનગર સહિતના જિલ્લાઓનો સમાવેશ થાય છે. સુરત, તાપી, નવસારી, ડાંગ અને વલસાડમાં છૂટાછવાયા સ્થળો પર વરસાદની આગાહી કરાઈ છે.

મંગળવાર 6મેના દિવસે સમગ્ર ગુજરાતમાં અનેક જિલ્લાઓમાં વરસાદની આગાહી કરાઈ છે. સૌરાષ્ટ્ર અને કચ્છમાં પણ કમોસમી વરસાદ વરસી શકે છે. હવામાન વિભાગના પૂર્વાનુમાન મુજબ તમામ જિલ્લાઓમાં વરસાદ ખાબકી શકે છે.

બુધવાર 7મેના દિવસે દ્વારકા, રાજકોટ, જુનાગઢ, અમરેલી, ભાવનગર, વડોદરા, ભરૂચ અને નર્મદામાં ભારે વરસાદ થવાની આગાહી કરવામાં આવી છે.

આ દિવસે અમરેલી, ગીર સોમનાથ, ભાવનગર, ભરૂચ અને નર્મદામાં ભારે વરસાદ થવાની આગાહી આપવામાં આવી છે. હવામાન વિભાગના પૂર્વાનુમાન મુજબ અનેક જિલ્લાઓમાં વરસાદ ખાબકી શકે છે.

આગામી પાંચ દિવસ તાપમાનમાં 2 થી 3 ડિગ્રી ઘટશે. હાલ સાયકલોનિક સર્ક્યુલેશન સક્રિય થતા વરસાદની આગાહી કરાઈ છે.