ATMમાંથી પૈસા કાઢતી વખતે આ બાબતોનું રાખો ધ્યાન, નહિ તો હેકર્સ ખાલી કરી દેશે અકાઉન્ટ

સાવધાનીથી કરો એટીએમનો ઉપયોગ

એટીએમમાં સૌથી મોટો ખતરો કાર્ડ ક્લોનિંગથી છે. આવી સ્થિતિમાં, હેકર્સ તમારા કાર્ડને ક્લોન કરે છે. એટીએમ મશીનમાં જ્યાં કાર્ડ નાખવામાં આવે છે તે સ્લોટમાંથી હેકર્સ કોઈપણ ગ્રાહકનો ડેટા ચોરી લે છે. તેઓ એટીએમ મશીનના કાર્ડ સ્લોટમાં આવા ઉપકરણ મૂકે છે. જે તમારા કાર્ડની સંપૂર્ણ માહિતી સ્કેન કરે છે. આ પછી હેકર્સ બ્લૂટૂથ અથવા અન્ય કોઈપણ વાયરલેસ ઉપકરણમાંથી ડેટા ચોરી કરે છે, તેથી રોકડ ઉપાડતી વખતે વધુ સાવચેત રહેવું જોઈએ.

તમારા ડેબિટ કાર્ડની સંપૂર્ણ ઍક્સેસ મેળવવા માટે, હેકર અને ક્લોન લેનાર પાસે તમારો PIN નંબર હોવો આવશ્યક છે. હેકર્સ કેમેરા વડે પિન નંબર ટ્રેક કરી શકે છે. આવી સ્થિતિમાં, એ જરૂરી છે કે જ્યારે પણ તમે ATMમાંથી પૈસા ઉપાડો, ત્યારે પિન નંબર નાખતી વખતે તેને બીજા હાથથી છુપાવો જેથી તેની તસવીર CCTV કેમેરામાં પણ ન દેખાય.

જો તમે રોકડ ઉપાડવા માટે કાર્ડ સ્લોટમાં કાર્ડ દાખલ કરો છો, તો તેના પરની લાઇટ પર ધ્યાન આપો. જો સ્લોટમાં લીલી લાઈટ ચાલુ હોય તો એટીએમ સલામત છે પરંતુ જો લાલ કે કોઈ લાઈટ ચાલુ ન હોય તો એટીએમનો ઉપયોગ ન કરો. આ કોઈ ખામીની નિશાની હોઈ શકે છે જે તમને મુશ્કેલીમાં મૂકી શકે છે. આવી સ્થિતિમાં તમે બીજા એટીએમમાં જઈને રોકડ ઉપાડો તો સારું રહેશે.

પીન નંબર નાખતી વખતે તેને હાથથી છુપાવી દો જેથી અન્ય લોકો તેને જોઇ ન શકે.જો કાર્ડ સ્લોટ એટલે કાર્ડ લગાવવાની જગ્યા બરાબર નથી કે તેમાં કોઇ ગરબડ દેખાય કે, તે ઢીલું હોય તો તેનો ઉપયોગ કરવાનું ટાળો.

પૈસા કાઢવા માટે કોઇ પણ અન્ય અજાણી વ્યક્તિની મદદ ન લો. જો આપ પીન ભુલી ગયા હો તો વારંવાર જુદા-જુદા નંબર ટ્રાય ન કરો આવું કરવાથી આપનું કાર્ડ બ્લોક થઇ જશે.