iPhone કે સેમસંગ નહીં પરંતુ આ કંપનીના ફોનનો કેમેરો છે સૌથી બેસ્ટ, અહીં જુઓ લિસ્ટ......

ચીનની કંપની Honorએ ગયા વર્ષે જ પોતાનો નવો ફોન Honor Magic6 Pro રજૂ કર્યો હતો

(તસવીર- સોશ્યલ મીડિયા પરથી)

Top 10 Ranking Camera Phone: સ્માર્ટફોન કેમેરા રેન્કિંગ પ્લેટફોર્મ Dxomarkએ આ રેન્કિંગ શેર કરી છે. dxomark એ કેમેરા ટેસ્ટિંગના સંદર્ભમાં વિશ્વના સૌથી મોટા પ્લેટફોર્મ્સમાંથી એક છે.

જ્યારે પણ આપણે શ્રેષ્ઠ કેમેરા ફોન વિશે વાત કરીએ છીએ, ત્યારે સામાન્ય રીતે Appleના iPhone અથવા Samsungના પ્રીમિયમ ફોન્સ આપણા મગજમાં આવે છે, પરંતુ તાજેતરમાં Dxomark એ ટોપ-10 રેન્કિંગ શેર કર્યું છે જેમાં આ બંને નથી. તેના બદલે, Honor Magic6 Proને ટોચનું સ્થાન મળ્યું છે.

ચીનની કંપની Honorએ ગયા વર્ષે જ પોતાનો નવો ફોન Honor Magic6 Pro રજૂ કર્યો હતો. 50MP સેલ્ફી કેમેરા ધરાવતા આ ફોનને 158 પોઈન્ટ સાથે dxomark રેન્કિંગમાં ટોચનું સ્થાન મળ્યું છે.

આ રેન્કિંગ લિસ્ટમાં બીજો ફોન Huawei Mate 60 Pro+ છે. આ ફોન 8 સપ્ટેમ્બર 2023 ના રોજ ટ્રિપલ રીઅર કેમેરા સાથે લોન્ચ કરવામાં આવ્યો હતો. આ ફોનનો ફ્રન્ટ કેમેરો 13 મેગાપિક્સલનો છે.

આ પછી, ત્રીજો નંબર છે Oppo Find X7 Ultra, જે ચાર 50MP કેમેરા સાથે આવે છે. આમાંથી બે પેરીસ્કોપ ઝૂમ કેમેરા છે. આ ફોન આ વર્ષે જાન્યુઆરી મહિનામાં લોન્ચ કરવામાં આવ્યો હતો.

ફોન રેન્કિંગના સંદર્ભમાં આગળનું નામ Huawei P60 Pro છે. આ પછી પાંચમાં નંબર પર Appleનો iPhone 15 Pro Max આવે છે. Appleના iPhone 15 Proને આ લિસ્ટમાં છઠ્ઠું રેન્કિંગ મળ્યું છે.

આ ઉપરાંત, Google Pixel 8 Pro, Oppo Find X6 Pro, Honor Magic5 Pro અને oppo Find X6 ના નામ અનુક્રમે સાતમા, આઠમા, નવમા અને દસમા નંબર પર છે.