અમદાવાદની મેટ્રોના કોચનું ગુજરાતમાં આગમન, જુઓ આવી છે મેટ્રોના કોચની તસવીરો

પીક અવરમાં આ ટ્રેનનું દર બે મિનિટે જ્યારે ભીડ ઓછી હોય ત્યારે 12થી 15 મીનિટે ટ્રેનનું સંચાલન કરવામાં આવશે.

સરેરાશ 34 કિલોમીટરની સ્પીડે દોડનારી આ ટ્રેન એક સ્ટેશન પર 30 સેકન્ડ રોકાશે.

મેગા કંપની દ્વારા મેટ્રો ટ્રેનના 96 કોચ માટે 1050 કરોડ રૂપિયાના ખર્ચે દક્ષિણ કોરિયાની કંપનીને વર્ક ઓર્ડર આપ્યાં છે. શહેરીજનો આ કોચ કેવો હશે તે જુએ તે માટે મોક કોચ અમદાવાદ આવવા રવાના થઈ ગયો છે.

એક કોચમાં 300 લોકો મુસાફરી કરી શકશે જેમાં 40થી 50 લોકો બેસી શકશે જ્યારે 250 લોકો ઉભા રહી શકશે.

અમદાવાદમાં ડિસેમ્બર 2018 સુધીમાં ઈસ્ટ-વેસ્ટ કોરિડોરમાં વસ્ત્રાલ ગામથી એપેરલ પાર્ક સુધી મેટ્રો ટ્રેનનું સંચાલન શરૂ કરવાની કવાયત તેજ કરવામાં આવી છે.

મેટ્રોના ડમી કોચનું ગુજરાતમાં આગમન થઈ ગયુ છે. મુંદ્રા પોર્ટ ખાતે મેટ્રો ટ્રેનના મોક ડબ્બા પહોંચી ગયા છે. જેને અમદાવાદમાં લાવવામાં આવશે અને સાબરમતી રિવરફ્રન્ટ ખાતે ડિસ્પલે માટે મુકવામાં આવશે.

અમદાવાદીઓ મેટ્રો ટ્રેનને જોવા માટે પ્રોજેક્ટ શરૂ થયો ત્યારથી જ આતુર છે. હવે આ આતુરતાનો ધીમે ધીમે અંત આવી રહ્યો છે. આગામી જાન્યુઆરી મહિનાથી અમદાવાદમાં મેટ્રો ટ્રેનની ટ્રાયલ પણ શરૂ કરવામાં આવશે.