રાજકોટઃ કોલગર્લ સાથે બે વર્ષના પ્રેમપ્રકરણનો કરુણ અંતઃ કેમ કરી નાંખી તેની હત્યા?

આ ઘટનાની વિગતો એવી છે કે, મૂળ ઉત્તર પ્રદેશની અને કેટલાય સમયથી રાજકોટમાં રહીને દેહવ્યાપાર સાથે સંકળાયેલી 28 વર્ષીય મોહિદાને જયદીપ તુલસીદાસ સાથે પ્રેમસંબંધ બંધાયો હતો. આ પ્રેમસંબંધ દરમિયાન જયદીપ મોહિદા સાથે લગ્ન કરવાની વાત વારંવાર કરતો હતો. દરમિયાન આજે જયદીપે મોહિદાને ફરીથી લગ્નની વાત કરી હતી. જોકે, મોહિદાએ લગ્ન કરવાનો ઇનકાર કરી દેતાં જયદીપ ઉશ્કેરાઇ ગયો હતો અને મોહિદાને છરીના ઘા મારી મોતને ઘાટ ઉતારી દીધી હતી.

રાજકોટઃ શહેરના રેડલાઇટ એરિયામાં એક કોલગર્લની લોહીલુહાણ હાલતમાં લાશ મળી આવતાં ભારે ચકચાર મચી ગઈ હતી. કોલગર્લને છરીના ઘા મારીને હત્યા કરેલી લાશ મળી આવતાં અનેક તર્ક-વિતર્ક સર્જાયા હતા. તેમજ કોલગર્લની હત્યા કેમ કરવામાં આવી તે અંગે પણ અનેક ચર્ચાઓ વહેતી થઈ હતી. ત્યારે જાણવા મળી રહ્યું છે કે, આ કોલગર્લ છેલ્લા બે વર્ષથી જયદીપ નામના યુવક સાથે પ્રેમમાં હતી અને આ જ પ્રેમપ્રકરણે તેનો જીવ લીધો છે.

મોહિદાની હત્યા બાદ જયદીપ બિલ્ડિંગના બીજા માળેથી કૂદી ગયો હતો. પરંતુ ઈજાગ્રસ્ત થતાં સિવિલમાં સારવાર માટે ખસેડાયો છે. જયદીપ બે વર્ષથી મોહિદાને લગ્ન કરવાનું કહેતો હતો, ત્યારે આજે જયદીપે ફરી લગ્ન કરવાનું કહ્યું હતું. પરંતુ મોહિદાએ ઇનકાર કરતા બન્ને વચ્ચે બોલાચાલી થઇ હતી. બાદમાં ઉશ્કેરાયેલા જયદીપે મોહિદાને છરીના ઘા મારી મોતને ઘાટ ઉતારી દીધી હતી.

મહિલાની લાશ મળ્યા પછી તે દિશામાં તપાસ કરતા જાણવા મળ્યું હતું કે, મોહિદા દેહનો વ્યાપાર કરતી હતી. આરોપી જામનગરનો જયદીપ તુલસીદાસ છે અને તે તેને પ્રેમ કરતો હતો. છરી મારી પોતે બીજા માળેથી કૂદી ભાગવા ગયો હતો. પરંતુ તેને ઇજા થતા સિવિલ હોસ્પિટલમાં ખસેડવામાં આવ્યો હતો અને હાલ તેની પર પણ પોલીસ બંદોબસ્ત ગોઠવવામાં આવ્યો છે.