Chess Olympiad 2024: ભારતે રચ્યો ઇતિહાસ, ચેસ ઓલિમ્પિયાડમાં પહેલી વાર જીત્યો ગોલ્ડ
Chess Olympiad 2024: ભારતે હંગેરીમાં ચાલી રહેલા 45મા ચેસ ઓલિમ્પિયાડમાં ગોલ્ડ મેડલ જીતીને ઇતિહાસ રચ્યો છે. ભારતની જીતના હીરો ડી ગુકેશ અને અર્જુન એરિગૈસી રહ્યા.
Chess Olympiad 2024: ભારતે હંગેરીની રાજધાની બુડાપેસ્ટમાં ચાલી રહેલા ચેસ ઓલિમ્પિયાડમાં ઓપન સેક્શનમાં ગોલ્ડ મેડલ જીતીને ઇતિહાસ રચ્યો છે. ભારતે સ્લોવેનિયા સામે નિર્ણાયક મુકાબલામાં જીત નોંધાવીને ગોલ્ડ મેડલ પર કબજો કર્યો. આ ભારતીય શતરંજ ઇતિહાસની એક મોટી સિદ્ધિ છે. ભારતની આ ઐતિહાસિક જીતમાં ડી ગુકેશ અને અર્જુન એરિગૈસીની ભૂમિકા મહત્વપૂર્ણ રહી જેમણે પોતાના મુકાબલાઓમાં જીત નોંધાવીને ભારતને ટોપ પર પહોંચાડી દીધું.
18 વર્ષીય ડી ગુકેશે ટૂર્નામેન્ટના શ્રેષ્ઠ ખેલાડીઓમાંના એક રશિયાના વ્લાદિમીર ફેડોસેવને હરાવીને ભારતની સફળતામાં સૌથી મહત્વપૂર્ણ ભૂમિકા નિભાવી. તેમની જીતે ટૂર્નામેન્ટમાં ભારતીય પ્રભુત્વની પાયો નાંખ્યો. જ્યારે અર્જુને જોન સુબલેજને માત આપીને પોતાની પ્રતિભાનું પ્રદર્શન કર્યું અને સ્લોવેનિયા સામેના મહત્વપૂર્ણ મુકાબલામાં ભારતની પકડને મજબૂત કરી દીધી.
🇮🇳 India wins the 45th FIDE #ChessOlympiad! 🏆 ♟️
— International Chess Federation (@FIDE_chess) September 22, 2024
Congratulations to Gukesh D, Praggnanandhaa R, Arjun Erigaisi, Vidit Gujrathi, Pentala Harikrishna and Srinath Narayanan (Captain)! 👏 👏
Gukesh D beats Vladimir Fedoseev, and Arjun Erigaisi prevails against Jan Subelj; India… pic.twitter.com/jOGrjwsyJc
શનિવારે ડી ગુકેશે અમેરિકાના ફેબિયાનો કારુઆનાને હરાવીને ઓપન વર્ગમાં ભારતીય ટીમને સુવર્ણ પદક વિજેતા બનાવવાની બહુ નજીક પહોંચાડી દીધી હતી. ગુકેશની આ જીત ખૂબ જ ખાસ હતી કારણ કે આનાથી વેસ્લે સોએ આર પ્રજ્ઞાનાનંદને હરાવીને અમેરિકાને શરૂઆતની જીત અપાવી હતી. અમેરિકાની આ આગેવાની છતાં ભારતીય ટીમ ક્યારેય પણ આ મુકાબલો ગુમાવવાની સ્થિતિમાં નહોતી કારણ કે અર્જુન એરિગૈસીએ લેનિયર ડોમિંગ્વેઝ પેરેઝ પર શિકંજો જાળવી રાખ્યો હતો. અર્જુન લગભગ પાંચ કલાકના મેરાથોન મુકાબલાને જીતવામાં સફળ રહ્યા તો વિદિત ગુજરાતી લેવોન અરોનિયનને ડ્રો પર રોકવામાં સફળ રહ્યા.
Gukesh’s smile says it all 🙂
— International Chess Federation (@FIDE_chess) September 22, 2024
With this win India secures its first-ever gold in a #ChessOlympiad! 🏆 pic.twitter.com/Ha1hUeSFPA
અર્જુન માટે, આ 2800 રેટિંગ માર્ક તરફનું બીજું પગલું છે. લાઈવ રેટિંગમાં અર્જુન હવે 2793 પોઈન્ટ પર છે. જો તે 2800નો આંકડો પાર કરશે તો તે ઈતિહાસનો 16મો ખેલાડી બની જશે. વિશ્વનાથન આનંદ સિવાય અન્ય કોઈ ભારતીય આટલા સુધી પહોંચી શક્યું નથી. બીજી તરફ ગુકેશે ખાતરી કરી કે તે આગળ વધતો રહે. તેની જીત તેને 2785 રેટિંગ પોઈન્ટ સુધી લઈ ગયો. આ પ્રથમ વખત છે જ્યારે વિશ્વ રેન્કિંગમાં ટોચના પાંચમાં બે ભારતીય સામેલ છે.
આ પણ વાંચોઃ
ટોપ સ્ટોરી
ટ્રેન્ડિંગ સમાચાર
