ગુજરાતની આ કંપની બની વર્લ્ડકપ માટે આફઘાનિસ્તાન ટીમની સ્પૉન્સર, હવે જર્સી પર દેખાશે આ લૉગો

જીસીએમએમએફના પ્રબંધ નિર્દેશક ડૉ. આરએસ સોઢીએ જણાવ્યુ કે, "અમે પહેલીવાર આફઘાનિસ્તાન સાથે જોડાઇને આનંદ અનુભવીએ છીએ, અને અમને પુરેપુરો વિશ્વાસ છે કે વર્લ્ડકપમાં આ ટીમ ખુબ સારુ પ્રદર્શન કરશે."

નવી દિલ્હીઃ આ મહિને 30 મેથી શરૂ થનારા ક્રિકેટ વર્લ્ડકપમાં અમૂલ આફઘાનિસ્તાનનું મુખ્ય સ્પૉન્સર હશે. લગભગ 45,000 કરોડ રૂપિયા (6.5 અબજ ડૉલર)નો વાર્ષિક કારોબાર કરનારી અમૂલનો લૉગો વર્લ્ડકપ ક્રિકેટ દરમિયાન આફઘાનિસ્તાનના ખેલાડીઓની જર્સીની બાય અને ટ્રેનિંગ કીટ પર દેખાશે. જીસીએમએમએફના પ્રબંધ નિર્દેશક ડૉ. આરએસ સોઢીએ જણાવ્યુ કે, "અમે પહેલીવાર આફઘાનિસ્તાન સાથે જોડાઇને આનંદ અનુભવીએ છીએ, અને અમને પુરેપુરો વિશ્વાસ છે કે વર્લ્ડકપમાં આ ટીમ ખુબ સારુ પ્રદર્શન કરશે." અમૂલ અને આફઘાનિસ્તાન એકબીજાના સંબંધને હંમેશા શેર કરે છે. ખાન અબ્દુલ ગફ્ફાર ખાને (જેને ફ્રન્ટિયર ગાંધી કહેવામાં આવે છે) 1969માં અમૂલનો પ્રવાસ કર્યો હતો અને ડૉ.વી.કુરિયન સાથે મુલાકાત કરીને અમૂલ ડેરી સહકારિતાનું વિશેષ અધ્યયન પણ કર્યુ હતુ. આફઘાનિસ્તાન ક્રિકેટ બોર્ડના સીઇઓ અસદુલ્લાહ ખાને જણાવ્યુ કે, આ આફઘાનિસ્તાન માટે આનંદનો અવસર છે કે અમૂલ અમને વિશ્વકપમાં સ્પૉન્સર કરી રહ્યું છે. આ પહેલો પ્રસંગ છે જ્યારે અમે વર્લ્ડકપ ક્રિકેટમાં પૂર્ણ સદસ્ય તરીકે રમીશું. અમારી તૈયારીઓ સારી છે અને સારુ પ્રદર્શન કરીશું."