તે ખૂબ સારું અનુભવી રહી છે. ગોલ્ડ મેડલ જીતવો એ તેનું સ્વપ્ન અને લક્ષ્ય હતું, જે પૂરું થયું છે. જોકે, તે આને મંજિલ નહીં, પરંતુ આગળ વધવાનું એક લક્ષ્ય માને છે.
શોધખોળ કરો
પિતા સાયકલ મેકેનિક, પુત્રીએ જીત્યો ગોલ્ડ; ABP પર જણાવી સંઘર્ષની કહાની
Asmita Dey: 2026 કોમનવેલ્થ ગેમ્સના જૂડો ઈવેન્ટમાં ગોલ્ડ મેડલ જીતનાર અસ્મિતા ડેએ ABP ન્યૂઝને પોતાની સંઘર્ષની કહાની જણાવી. તેના પિતા સાયકલ મેકેનિક હતા.
અસ્મિતા ડે
Source : social media
- અસ્મિતા ડેએ ભારત માટે જૂડોમાં ઐતિહાસિક સુવર્ણચંદ્રક જીત્યો.
- પિતા સાયકલ મિકેનિક છતાં, અસ્મિતાએ દેશનું ગૌરવ વધાર્યું.
- રોમાંચક ફાઇનલમાં કોચની પ્રેરણાથી અસ્મિતાએ સુવર્ણચંદ્રક જીત્યો.
- જીત પછી માતાને ફોન કર્યો, દિવંગત પિતાને યાદ કર્યા.
Asmita Dey Share Story With ABP: કોમનવેલ્થ ગેમ્સ 2026 માં ભારતને પહેલીવાર જૂડોમાં ગોલ્ડ મેડલ મળ્યો. ત્રિપુરાની રહેવાસી ભારતની અસ્મિતા ડેએ ઈતિહાસ રચતાં જૂડોની 48KG કેટેગરીમાં ગોલ્ડ મેડલ જીત્યો. પિતા સાયકલ મેકેનિક હોવા છતાં અસ્મિતાએ પોતાની આર્થિક તંગીને આડે ન આવવા દીધી અને દેશનું માન વધાર્યું. CWG માં ગોલ્ડ જીતીને ઈતિહાસ રચનારી અસ્મિતા ડેએ ABP News Consultant રવીશ બિષ્ટ સાથે ખાસ વાતચીત કરી.
સવાલ: સૌથી પહેલાં ગોલ્ડ મેડલ જીતવા બદલ ખૂબ-ખૂબ અભિનંદન. હવે તમે કોમનવેલ્થ ગેમ્સના ગોલ્ડ મેડલિસ્ટ બની ચૂક્યા છો. કેવું અનુભવાઈ રહ્યું છે?
અસ્મિતા ડે: ખૂબ સારું અનુભવાઈ રહ્યું છે. જ્યારે હું અહીંથી ગ્લાસગો માટે નીકળી હતી, ત્યારે જ મેં નક્કી કરી લીધું હતું કે મારે ગોલ્ડ મેડલ જીતીને જ પરત ફરવું છે. આ જ મારું સ્વપ્ન અને લક્ષ્ય હતું. હવે જ્યારે તે સ્વપ્ન પૂરું થયું છે તો ખૂબ જ ખુશી થઈ રહી છે. જોકે, હું આને મારી મંજિલ નથી માનતી. આ માત્ર એક લક્ષ્ય હતું, હજુ મારે ખૂબ આગળ જવાનું છે.
સવાલ: નોર્થ ઈસ્ટમાંથી બોક્સિંગ, વેઈટલિફ્ટિંગ અને અન્ય રમતોમાં ઘણા ખેલાડીઓ નીકળે છે, પરંતુ તમે જૂડો કેવી રીતે પસંદ કર્યું?
અસ્મિતા ડે: આની વાર્તા ખૂબ જ રસપ્રદ છે. મારા મોટા પપ્પાએ મારા પપ્પાને ફોન કરીને જણાવ્યું હતું કે અગરતલાની એક સ્પોર્ટ્સ સ્કૂલમાં ટ્રાયલ્સ ચાલી રહ્યા છે. તેમણે કહ્યું કે મને ત્યાં મોકલવામાં આવે. હું ટ્રાયલ આપવા ગઈ અને મારી પસંદગી થઈ ગઈ. તે સમયે મારી ઉંમર આશરે 11-12 વર્ષ હતી. ત્યાંથી જ મારો જૂડો તરફ ઝુકાવ વધ્યો અને ધીમે-ધીમે મેં નક્કી કરી લીધું કે આ જ રમતમાં મારી કારકિર્દી બનાવીશ.
સવાલ: કોમનવેલ્થ ગેમ્સ માટે તમે તૈયારી કેવી રીતે કરી?
અસ્મિતા ડે: મેં જર્મની જઈને ટ્રેનિંગ લીધી. ત્યાં લાંબા સમય સુધી હાઈ લેવલ પ્રેક્ટિસ કરી, જેનાથી મારી ટેકનિક અને ફિટનેસ બંનેમાં ઘણો સુધારો થયો. જર્મનીથી પરત આવ્યા બાદ ભારતમાં પણ સતત ટ્રેનિંગ ચાલુ રાખી. તે જ મહેનતનું પરિણામ છે કે હું કોમનવેલ્થ ગેમ્સમાં ગોલ્ડ જીતી શકી.
સવાલ: ભારતમાં જૂડો હજુ એટલી મોટી રમત માનવામાં નથી આવતી. એવામાં તમને એ વિશ્વાસ કેવી રીતે આવ્યો કે તમે ગોલ્ડ મેડલ જીતી શકો છો?
અસ્મિતા ડે: આ વિશ્વાસ મારી મહેનત અને સેલ્ફ બિલીફથી આવ્યો. મને મારી તૈયારી પર પૂરો વિશ્વાસ હતો. મને લાગતું હતું કે સામે ભલે ગમે તે ખેલાડી હોય, જો હું મારું બેસ્ટ આપીશ તો તેને હરાવી શકું છું. મારી ટ્રેનિંગ ખૂબ જ સારી થઈ હતી અને તેણે જ મને આત્મવિશ્વાસ આપ્યો.
સવાલ: ફાઈનલમાં કેનેડાની ખેલાડી સામે મુકાબલો ખૂબ જ રોમાંચક રહ્યો. શરુઆતના રાઉન્ડમાં તમે પાછળ ચાલી રહ્યા હતા. પછી તમે વાપસી કેવી રીતે કરી?
કોચના અવાજે પલટી
બાજી અસ્મિતા ડે: હા, શરુઆતમાં હું પાછળ ચાલી રહી હતી અને એક સમયે એવું લાગ્યું કે કદાચ ગોલ્ડ મેડલ હાથમાંથી નીકળી જશે. ત્યારે જ મારા કોચ સતત મને અવાજ આપીને કહી રહ્યા હતા, "અસ્મિતા, તું જીતી શકે છે. હાર વિશે ન વિચાર, ગોલ્ડ આપણે જીતવાનો જ છે."
તેમની વાતો સાંભળીને મારામાં એક અલગ જ આત્મવિશ્વાસ આવી ગયો. મેં પછી સતત પોઈન્ટ મેળવવાનું શરુ કર્યું. ચાર મિનિટ સુધી બંનેના પોઈન્ટ બરાબર રહ્યા. આ પછી મુકાબલો ગોલ્ડન પોઈન્ટમાં ગયો, જ્યાં જે પહેલો પોઈન્ટ બનાવે તે જ વિજેતા બને છે. સદ્ભાગ્યે આગળનો પોઈન્ટ મેં બનાવ્યો અને આ રીતે મેં ગોલ્ડ મેડલ જીતી લીધો.
સવાલ: ગોલ્ડ જીત્યા પછી તમે સૌથી પહેલાં કોને કોલ કર્યો?
અસ્મિતા ડે: સૌથી પહેલાં મેં મારી માતાને ફોન કર્યો. પરંતુ તે ક્ષણે મેં મારા પપ્પાને સૌથી વધુ મિસ કર્યા. ડિસેમ્બરમાં તેમનું નિધન થયું હતું. મારા પપ્પા સાયકલ મેકેનિક હતા, પરંતુ તેમણે હંમેશા મને આગળ વધવા માટે પ્રેરિત કરી. આજે જો તેઓ હોત તો કદાચ સૌથી વધુ ખુશ તેઓ જ હોત.
સવાલ: હવે આગળનું લક્ષ્ય શું છે? એશિયન ગેમ્સમાં જાપાન અને દક્ષિણ કોરિયા જેવા મજબૂત દેશોના ખેલાડીઓ પણ હશે.
અસ્મિતા ડે: મેં આગળના લક્ષ્ય માટે અત્યારથી જ તૈયારી શરુ કરી દીધી છે. હું પહેલાં પણ જાપાન અને દક્ષિણ કોરિયાના કેટલાક ટોચના ખેલાડીઓને હરાવી ચૂકી છું. તેથી મારું પૂરૂં ધ્યાન માત્ર મારી ટ્રેનિંગ પર રહેશે, વિરોધી પર નહીં. જો હું મારી તૈયારી સાચી રાખું તો મને પૂરો વિશ્વાસ છે કે એશિયન ગેમ્સમાં પણ ભારત માટે મેડલ જીતી શકું છું.
Frequently Asked Questions
કોમનવેલ્થ ગેમ્સમાં ગોલ્ડ મેડલ જીત્યા પછી અસ્મિતા ડે કેવું અનુભવી રહી છે?
અસ્મિતા ડેએ જૂડોની રમત કેવી રીતે પસંદ કરી?
તેના મોટા પપ્પાએ અગરતલાની સ્પોર્ટ્સ સ્કૂલમાં ટ્રાયલ વિશે જણાવ્યું હતું. તે 11-12 વર્ષની ઉંમરે ટ્રાયલ આપવા ગઈ, પસંદગી પામી અને ત્યારથી જૂડોમાં કારકિર્દી બનાવવાનું નક્કી કર્યું.
કોમનવેલ્થ ગેમ્સ માટે અસ્મિતા ડેએ કેવી રીતે તૈયારી કરી?
તેણે જર્મની જઈને લાંબા સમય સુધી હાઈ લેવલ ટ્રેનિંગ લીધી. તેનાથી તેની ટેકનિક અને ફિટનેસમાં સુધારો થયો. ભારતમાં પણ તેણે સતત ટ્રેનિંગ ચાલુ રાખી.
ફાઈનલ મેચમાં પાછળ રહ્યા બાદ અસ્મિતાએ કેવી રીતે વાપસી કરી?
શરુઆતમાં પાછળ હતી, ત્યારે તેના કોચના સતત પ્રોત્સાહક અવાજે તેને આત્મવિશ્વાસ આપ્યો. તેણે પોઈન્ટ મેળવવાનું શરુ કર્યું અને ગોલ્ડન પોઈન્ટમાં જીત મેળવી.
અસ્મિતા ડેનું આગળનું લક્ષ્ય શું છે?
તેનું આગળનું લક્ષ્ય એશિયન ગેમ્સ છે. તેણે અત્યારથી જ તૈયારી શરુ કરી દીધી છે. તે પોતાની ટ્રેનિંગ પર ધ્યાન કેન્દ્રિત કરીને ભારત માટે મેડલ જીતવા માટે આત્મવિશ્વાસ ધરાવે છે.
વધુ વાંચો
Advertisement
ટોપ સ્ટોરી
સ્પોર્ટ્સ
પિતા સાયકલ મેકેનિક, પુત્રીએ જીત્યો ગોલ્ડ; ABP પર જણાવી સંઘર્ષની કહાની
સ્પોર્ટ્સ
Ajinkya Rahane: નિવૃત્તિ પછી હવે આ T20 લીગમાં રમશે અજિંક્ય રહાણે, ટીમે કરી જાહેરાત
સ્પોર્ટ્સ
Cricket: હવે આસાન નથી ટીમ ઈન્ડિયામાં પસંદગી... BCCIએ ફિટનેસ ટેસ્ટમાં કરી કડકાઇ, જાણો નવો નિયમ
સ્પોર્ટ્સ
Suryakumar: સૂર્યકુમાર યાદવની આગામી મેચનું એલાન, નવા અવતારમાં મચાવશે ધૂમ
Advertisement
Advertisement
ટ્રેન્ડિંગ સમાચાર
