એશિયન ગેમ્સઃ કબડ્ડી ફાઈનલમાં ઈરાનની મહિલા ટીમે યોગની મદદથી કેવી રીતે ભારતને આપી હાર ? જાણો વિગત

ફાઇનલમાં જીત્યા બાદ શૈલજાએ કહ્યું હતું કે, લાંબા સમય બાદ ઇરાને ગોલ્ડ જીત્યો છે. ઇરાન ફેડરેશને મારા પર વિશ્વાસ વ્યક્ત કર્યો તે બદલ હું આભારી છું. મારી ભાષા અલગ હોવાના કારણે ખેલાડીઓ સાથે વાતચીત કરવી મુશ્કેલ હતી. જેથી મેં ફારસી શીખી.

શૈલજાએ કહ્યું કે, તેને જ્યારે પ્રથમવાર કોચિંગની ઓફર કરાઇ ત્યારે તેણે સ્વીકારી નહોતી પરંતુ સારી ઓફર મળ્યા બાદ ઇરાન જવા રાજી થઇ હતી. ઇરાન મહિલા ટીમને તૈયાર કરવાને લઇને શૈલજાએ કહ્યું કે, ખેલાડીઓને યોગ અને પ્રાણાયામ શીખવાડ્યું. સાથે શ્વાસ લેવાની કેટલીક પ્રક્રિયાએ પણ શીખવાડી. બાદમાં તમામ ખેલાડીઓ માટે એક વોટ્સએપ ગ્રુપ બનાવ્યું જેમાં રોજ ખેલાડીઓને પ્રોત્સાહિત કરવા માટે મેસેજ મોકલતી. અમે 42 ખેલાડીઓ સાથે ટ્રેનિંગ શરૂ કરી હતી અને અંતમાં 12 યુવતીઓની ટીમ તૈયાર કરાઇ હતી.