Paralympics 2024: ભારતને મળ્યો પહેલો ગોલ્ડ મેડલ, અવની લેખરાએ પેરાલિમ્પિક્સમાં પોતાનો જ રેકોર્ડ તોડીને રચ્યો ઇતિહાસ

Avani Lekhara Wins Gold Medal: અવની લેખરાએ શૂટિંગમાં ગોલ્ડ મેડલ જીતી લીધો છે. આ પેરાલિમ્પિક્સ 2024માં કોઈ ભારતીય એથ્લીટ દ્વારા જીતવામાં આવેલો પહેલો મેડલ છે.

અવની લેખરાએ પેરાલિમ્પિક્સમાં પોતાનો જ રેકોર્ડ તોડીને રચ્યો ઇતિહાસ

Source : Social Media

Avani Lekhara Wins Gold Medal Paralympics 2024: ભારતની અવની લેખરાએ મહિલાઓની 10 મીટર એર રાઇફલ સ્પર્ધામાં ગોલ્ડ મેડલ જીતી લીધો છે. અવનીએ ફાઇનલ રાઉન્ડમાં 249.7નો સ્કોર કરીને સુવર્ણ ચંદ્રક પર કબજો જમાવ્યો છે. તેમના સિવાય ભારતની મોના અગરવાલે પણ બ્રોન્ઝ મેડલ જીતીને ઇતિહાસ રચી દીધો છે. અવનીની આ જીત ઐતિહાસિક પણ છે કારણ કે તેણે નવો પેરાલિમ્પિક રેકોર્ડ સ્થાપિત કરી દીધો છે.

અવની લેખરા અને દક્ષિણ કોરિયાની યુનરી લી વચ્ચે છેલ્લા શોટ સુધી ખૂબ જ કડક મુકાબલો જોવા મળ્યો. છેલ્લા શોટ સુધી ભારતની અવની સિલ્વર મેડલ પોઝિશનમાં હતી, પરંતુ તેના છેલ્લા શોટ પર ભારતની શૂટરે 10.5નો સ્કોર કર્યો. જ્યારે કોરિયન નિશાનેબાજથી છેલ્લા શોટ પર ભૂલ થઈ ગઈ, જેમનો છેલ્લા શોટ પર સ્કોર માત્ર 6.8 રહ્યો. આ કારણે કોરિયન શૂટરનો અંતિમ સ્કોર 246.8 રહ્યો.

અવની લેખરાએ પોતાનો જ રેકોર્ડ તોડ્યો

અવની લેખરા ટોક્યો પેરાલિમ્પિક્સમાં માત્ર 19 વર્ષની ઉંમરે ભાગ લેવા પહોંચી હતી. ત્યાં તેણે ફાઇનલમાં 249.6નો સ્કોર કરીને ગોલ્ડ મેડલ જીત્યો અને નવો પેરાલિમ્પિક રેકોર્ડ સ્થાપિત કર્યો હતો. હવે પેરિસ પેરાલિમ્પિક્સમાં અવનીએ પોતાના જ રેકોર્ડને સુધારીને 249.7નો સ્કોર કરીને ઐતિહાસિક કારનામું કરી દીધું છે. છેલ્લી વખત એટલે કે ટોક્યો પેરાલિમ્પિક્સનો સિલ્વર મેડલ વિજેતા એટલે કે ચીનનો ક્યુપિંગ ઝાંગ આ વખતે છેલ્લી વાર રહ્યો.

GOLD 🥇 For INDIA 🇮🇳

Avani Lekhara wins gold medal in the Women's 10m air Rifle SH1 event with a score of 249.7 🙌#Paris2024 #Cheer4Bharat #Paralympics2024 @mansukhmandviya @MIB_India @PIB_India @IndiaSports @ParalympicIndia @PCI_IN_Official @Media_SAI @AkashvaniAIR… pic.twitter.com/mcFf6gxQ1t

— Doordarshan Sports (@ddsportschannel) August 30, 2024

અવની લેખા હવે સતત બે પેરાલિમ્પિક ગેમ્સમાં ગોલ્ડ મેડલ જીતનારી પ્રથમ ભારતીય શૂટર બની ગઈ છે. તેના પહેલા, આજ સુધી ભારતનો કોઈ શૂટર આ કરી શક્યો નથી, જેણે સતત બે પેરાલિમ્પિકમાં ગોલ્ડ મેડલ જીત્યો હોય. પેરાલિમ્પિક્સ 2024માં અવની લેખારાનો પડકાર હજુ પૂરો થયો નથી કારણ કે તે મહિલાઓની 50 મીટર રાઇફલ 3 પોઝિશનમાં મેડલ માટે પણ લડશે. અવનીએ આ સ્પર્ધામાં ગત વખતે બ્રોન્ઝ મેડલ જીત્યો હતો, પરંતુ આ વખતે તે પોતાના મેડલનો રંગ બદલવા માંગશે.

આ પણ વાંચોઃ