એબી ડી વિલિયર્સે આ ક્રિકેટરને ગણાવ્યો વર્લ્ડનો બેસ્ટ ફિનિશર, નામ જાણી ચોંકી જશો 

દક્ષિણ આફ્રિકાના ભૂતપૂર્વ કેપ્ટન એબી ડી વિલિયર્સે આખરે ક્રિકેટમાં સર્વશ્રેષ્ઠ ફિનિશર કોણ છે તે અંગે લાંબા સમયથી ચાલી રહેલી ચર્ચાનો અંત લાવી દીધો છે.  

એબી ડી વિલિયર્સ

AB de Villiers : દક્ષિણ આફ્રિકાના ભૂતપૂર્વ કેપ્ટન એબી ડી વિલિયર્સે આખરે ક્રિકેટમાં સર્વશ્રેષ્ઠ ફિનિશર કોણ છે તે અંગે લાંબા સમયથી ચાલી રહેલી ચર્ચાનો અંત લાવી દીધો છે.  સોશિયલ મીડિયા પર 360 શો લાઈવ સવાલ-જવાબ સેશનમાં એબી ડી વિલિયર્સે પોતાને નહીં પરંતુ પૂર્વ ભારતીય કેપ્ટન એમએસ ધોનીને વિશ્વનો સર્વશ્રેષ્ઠ ફિનિશર ગણાવ્યો છે.

તમને જણાવી દઈએ કે એમએસ ધોનીને વિશ્વનો સર્વશ્રેષ્ઠ ફિનિશર માનવામાં આવે છે.  જેમણે માત્ર આઈપીએલમાં જ નહીં પરંતુ આંતરરાષ્ટ્રીય ક્રિકેટમાં પણ આ સાબિત કર્યું છે. જ્યારે પણ ટીમ ઈન્ડિયા ડેથ ઓવર્સમાં મુશ્કેલીમાં મુકાઈ હતી  ત્યારે દરેકને એમએસ ધોની પર પૂરો વિશ્વાસ હતો કે તે ટીમને ચોક્કસપણે જીત તરફ લઈ જશે અને ધોનીએ તેમ કરીને બતાવ્યું છે.

આ દરમિયાન, એબી ડી વિલિયર્સે એમએસ ધોનીની પ્રશંસા કરી અને તેને શ્રેષ્ઠ ફિનિશર ગણાવ્યો. 

તેના 360 શોમાં એક સવાલ-જવાબ સેશનમાં એબી ડી વિલિયર્સને સર્વકાલીન શ્રેષ્ઠ ફિનિશર પસંદ કરવાનું કહેવામાં આવ્યું હતું. તેના પર તેણે મજાકમાં કહ્યું કે દેખીતી રીતે તે હું જ છું. આ પછી, દક્ષિણ આફ્રિકાના પૂર્વ કેપ્ટને પ્રશ્નનો જવાબ આપતા કહ્યું, “હું એમએસ ધોનીને શ્રેષ્ઠ ફિનિશર કહીશ. મને તેમને રમતા જોવાનું ગમે છે.”

આ સમયગાળા દરમિયાન ડી વિલિયર્સે આંતરરાષ્ટ્રીય ક્રિકેટ તેમજ ફ્રેન્ચાઇઝી ક્રિકેટમાં ધોનીની સફળતાની પ્રશંસા કરી હતી. તેણે કહ્યું કે તેણે ભૂતકાળમાં જે પણ કારનામું કર્યું છે, હું 2011ના વર્લ્ડ કપ વિશે વિચારું છું જેમાં તેણે સીધી સિક્સર ફટકારીને ભારત માટે વર્લ્ડ કપ જીત્યો હતો. તે મારા મગજમાં કાયમ માટે સ્થિર છે. એમએસ ધોનીએ રમતના તમામ ફોર્મેટમાં ઘણી વખત આવું કર્યું છે.  

તમને જણાવી દઈએ કે ધોનીએ પોતાની કેપ્ટન્સીમાં ચેન્નાઈ સુપર કિંગ્સને IPL 2023માં ચેમ્પિયન બનાવ્યું હતું. જોકે, સિઝનના અંતે તેણે સ્પષ્ટતા કરી ન હતી કે તે આગામી સિઝન રમશે કે નહીં. જોકે, ચાહકોને આશા છે કે તે 2024માં IPL રમતા જોવા મળશે. ધોની ઘણીવાર જીમમાંથી બહાર નીકળતી વખતે પણ જોવા મળે છે.  

મહેન્દ્ર સિંહ ધોનીની ગણતરી ક્રિકેટ ઈતિહાસના સૌથી સફળ કેપ્ટનોમાં થાય છે. મહેન્દ્ર સિંહ ધોનીએ પોતાની કેપ્ટનશિપમાં ટીમ ઈન્ડિયા વનડે અને ટી20 વર્લ્ડકપ ઉપરાંત ICC ચેમ્પિયન્સ ટ્રૉફીનો ખિતાબ પણ જીત્યો છે. આ ઉપરાંત મહેન્દ્ર સિંહ ધોનીની કેપ્ટન્સીમાં ભારતીય ટીમ ટેસ્ટ ફોર્મેટમાં નંબર-1 બની હતી. તાજેતરમાં મહેન્દ્ર સિંહ ધોનીના નેતૃત્વમાં ચેન્નાઈ સુપર કિંગ્સે આઈપીએલનો ખિતાબ જીત્યો હતો. મહેન્દ્ર સિંહ ધોનીના નેતૃત્વમાં ચેન્નાઈ સુપર કિંગ્સે રેકોર્ડ 5 વાર IPL ટ્રૉફી જીતી છે.