BAN vs AFG: બાંગ્લાદેશે જીત સાથે વર્લ્ડ કપની શરુઆત કરી, પ્રથમ મેચમાં અફઘાનિસ્તાનને ખરાબ રીતે આપી હાર
ODI વર્લ્ડ કપ 2023 ની ત્રીજી મેચ બાંગ્લાદેશ અને અફઘાનિસ્તાન વચ્ચે ધર્મશાળાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાઈ હતી, જેમાં બાંગ્લાદેશનો 6 વિકેટે વિજય થયો હતો.
Bangladesh Vs Afghanistan: ODI વર્લ્ડ કપ 2023 ની ત્રીજી મેચ બાંગ્લાદેશ અને અફઘાનિસ્તાન વચ્ચે ધર્મશાળાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાઈ હતી, જેમાં બાંગ્લાદેશનો 6 વિકેટે વિજય થયો હતો. ટૂર્નામેન્ટમાં બંને ટીમોની આ પ્રથમ મેચ હતી. બાંગ્લાદેશે ટોસ જીતીને બોલિંગ કરવાનું પસંદ કર્યું હતું. પ્રથમ બેટિંગ કરવા આવેલી અફઘાનિસ્તાનની ટીમ 37.2 ઓવરમાં 156 રનમાં ઓલઆઉટ થઈ ગઈ હતી. જવાબમાં બાંગ્લાદેશે 34.4 ઓવરમાં ટાર્ગેટ હાંસલ કરી લીધો હતો.
ICC Men's Cricket World Cup 2023
— Bangladesh Cricket (@BCBtigers) October 7, 2023
Bangladesh 🆚 Afghanistan 🏏
Moments of Bangladesh's Innings 🌟 🫶 🇧🇩
Photo Credit: ICC/Getty#BCB | #AFGvBAN| #CWC23 pic.twitter.com/uNzNRIUpK6
બાંગ્લાદેશે શરૂઆતમાં બે વિકેટ ગુમાવી દીધી હતી
157 રનના ટાર્ગેટનો પીછો કરવા આવેલી બાંગ્લાદેશની ટીમે 5મી ઓવરના પ્રથમ બોલ પર 19 રનના સ્કોર પર તાંદીઝ હસનના રૂપમાં પ્રથમ વિકેટ ગુમાવી દીધી હતી. ઓપનર તંદિજ માત્ર 5 રન બનાવીને પેવેલિયન પરત ફર્યો હતો. આ પછી ટીમનો બીજો ઓપનર લિટન દાસ 7મી ઓવરના ચોથા બોલ પર આઉટ થયો હતો. લિટન દાસ 2 ચોગ્ગાની મદદથી 13 (18) રન બનાવીને પેવેલિયન ગયો હતો.
મેહદી હસન મિરાજે અડધી સદી ફટકારી હતી
ત્રીજા નંબરે બેટિંગ કરવા આવેલા મેહદી હસન મિરાજે બાંગ્લાદેશને સ્થિરતા પૂરી પાડી હતી. તેણે 5 ચોગ્ગાની મદદથી 57 (73) રનની ઇનિંગ રમી હતી. મેહદી હસન 29મી ઓવરના પહેલા બોલ પર આઉટ થયો હતો. અફઘાનિસ્તાનના ફાસ્ટ બોલર નવીન ઉલ હકે તેને પોતાનો શિકાર બનાવ્યો હતો. આ પછી બાંગ્લાદેશની ચોથી વિકેટ કેપ્ટન શાકિબ અલ હસનના રૂપમાં પડી. કેપ્ટન શાકિબ 14 (19) રનની ઇનિંગ રમીને પેવેલિયન પરત ફર્યો હતો.
નઝમુલ હુસૈન શાંતોએ અણનમ અડધી સદી સાથે જીત અપાવી
ચોથા નંબર પર બેટિંગ કરવા આવેલા નઝમુલ હુસૈન શાંતોએ અણનમ અડધી સદી રમીને ટીમને જીત અપાવી હતી. તેની સાથે મુશ્ફિકુર રહીમ અણનમ પરત ફર્યો હતો. શાંતો 59 (83) અને મુશફિકુર રહીમ 2 રન બનાવીને અણનમ પરત ફર્યા હતા.
આવી રહી અફઘાનિસ્તાનની બોલિંગ
અફઘાનિસ્તાન માટે રાશિદ ખાને સૌથી વધુ 9 ઓવર ફેંકી, જેમાં તેણે 48 રન આપ્યા હતા. તે કોઈ વિકેટ લઈ શક્યો નહોતો. જ્યારે ફઝલ હક ફારૂકી, નવીન ઉલ હક અને અઝમતુલ્લા ઓમરઝાઈએ 1-1 વિકેટ લીધી હતી.
ટ્રેન્ડિંગ સમાચાર
ટોપ સ્ટોરી
