ધવન-કાર્તિક બાદ હવે આ ભારતીય દિગ્ગજ ખેલાડી પણ લેશે સન્યાસ! ટૂંક સમયમાં થશે મોટી જાહેરાત
India Cricket News: દિનેશ કાર્તિક અને શિખર ધવન આ વર્ષેજ ક્રિકેટમાંથી સન્યાસ લઈ લીધો છે.હવે વધુ એક ભારતીય ક્રિકેટર નિવૃત્તિ લે તેવી શક્યતા છે.
Bhuvneshwar Kumar Retirement News: વર્ષ 2024 સુધીમાં માત્ર ભારતીય જ નહીં પરંતુ ઘણા વિદેશી ક્રિકેટરોએ પણ નિવૃત્તિ લઈ લીધી છે. ડેવિડ વોર્નરથી લઈને દિનેશ કાર્તિક, શિખર ધવન અને મોઈન અલીએ પણ ક્રિકેટમાંથી નિવૃત્તિ લઈ લીધી છે. વિરાટ કોહલી અને રોહિત શર્માએ પણ ટી-20 ક્રિકેટને અલવિદા કહી દીધું છે. હવે ટૂંક સમયમાં આ યાદીમાં ભારતીય ફાસ્ટ બોલર ભુવનેશ્વર કુમારનું નામ પણ જોડાઈ શકે છે.
ભુવનેશ્વર કુમારે 2012માં પાકિસ્તાન સામેની T20 મેચમાં ભારત માટે આંતરરાષ્ટ્રીય ક્રિકેટમાં પ્રવેશ કર્યો હતો. હવે સોશિયલ મીડિયા પર એવો દાવો કરવામાં આવી રહ્યો છે કે ભુવનેશ્વર કુમાર ટૂંક સમયમાં નિવૃત્તિની જાહેરાત કરી શકે છે. ABP Asmita કોઈપણ રીતે આ દાવાઓની પુષ્ટિ કરતું નથી. ભુવનેશ્વરે ભારત માટે છેલ્લી મેચ ન્યૂઝીલેન્ડ સામે રમી હતી. ભુવનેશ્વર નવેમ્બર 2022માં યોજાયેલી ટી20 મેચમાં કોઈ વિકેટ લઈ શક્યો ન હતો અને તે મેચ ડકવર્થ-લુઈસ નિયમ હેઠળ ટાઈ જાહેર કરવામાં આવી હતી.
ભુવનેશ્વર આ પહેલા જુલાઈ 2023 દરમિયાન ઘણા સમાચારોમાં રહ્યો હતો. ખરેખર, આ પહેલા તેણે પોતાના ઈન્સ્ટાગ્રામ પ્રોફાઈલમાં 'ભારતીય ક્રિકેટર' લખ્યું હતું. પરંતુ ગયા વર્ષે જુલાઈમાં તેણે 'ક્રિકેટર' શબ્દ હટાવીને પોતાની પ્રોફાઇલમાં માત્ર 'ભારતીય'નો સમાવેશ કર્યો હતો. જો કે આને તેમની નિવૃત્તિના સંકેત તરીકે જોવામાં આવતું હતું, પરંતુ અત્યાર સુધી તેમણે આ વિષય પર કોઈ પુષ્ટિ આપી નથી.
Big Breaking:
— Cricket Kota Factory (@cricketkot44370) September 14, 2024
Bhuvneshwar Kumar may retire from international cricket soon.#INDvsPAK #Hockey #DuleepTrophy #ViratKohli Bumrah #SuryakumarYadav Pakistan #INDvBAN Morne Morkel #TeamIndia pic.twitter.com/kY02rw7x5W
પહેલી જ મેચમાં પાકિસ્તાનને ડરાવ્યું હતું
ભુવનેશ્વર કુમારે તેની પ્રથમ આંતરરાષ્ટ્રીય મેચ 25 ડિસેમ્બર 2012ના રોજ પાકિસ્તાન સામે રમી હતી. પોતાની કારકિર્દીની પહેલી જ ઓવરમાં તેણે પાકિસ્તાની બેટ્સમેનોને પોતાની સ્વિંગની જાળમાં ફસાવી દીધા હતા. પોતાની પહેલી જ ઓવરના છેલ્લા બોલ પર તેણે ઇન-સ્વિંગ બોલ ફેંકીને નાસિર જમશેદને ક્લીન બોલ્ડ કર્યો હતો. તેણે તે મુકાબલામાં 4 ઓવર ફેંકી હતી, જેમાં ભુવનેશ્વરે માત્ર 9 રન આપીને 3 વિકેટ લીધી હતી.
આ પણ વાંચો : Rohit Sharma IND vs BAN: સહેવાગનો 'ઓલ ટાઈમ' રેકોર્ડ તોડવાની નજીક રોહિત, ચેન્નઈમાં રચી શકે છે ઇતિહાસ
ટ્રેન્ડિંગ સમાચાર
ટોપ સ્ટોરી
