BGT 2024: 22 નવેમ્બરે શરૂ થશે ઇન્ડિયા અને ઓસ્ટ્રેલિયા વચ્ચેની પ્રથમ ટેસ્ટ, જાણો ભારતમાં ક્યારે અને કેવી રીતે જોઇ શકશો?
સમગ્ર વિશ્વની નજર ભારત અને ઓસ્ટ્રેલિયા વચ્ચેની પાંચ મેચની ટેસ્ટ શ્રેણી પર છે
સમગ્ર વિશ્વની નજર ભારત અને ઓસ્ટ્રેલિયા વચ્ચેની પાંચ મેચની ટેસ્ટ શ્રેણી પર છે. વિશ્વની બે શ્રેષ્ઠ ટીમો વચ્ચેની આ શ્રેણી રોમાંચક રહેવાની આશા છે. ભારતે તેના છેલ્લા બે પ્રવાસમાં ઓસ્ટ્રેલિયાને ઘરઆંગણે હરાવ્યું છે. પરંતુ આ વખતે પેટ કમિન્સની કેપ્ટનશીપ હેઠળની યજમાન ટીમ પહેલા કરતા ઘણી મજબૂત છે. તેથી શ્રેણીમાં રોમાંચ રહે તેવી સંભાવના છે.
📸📸
— BCCI (@BCCI) November 19, 2024
Getting Perth Ready 🙌#TeamIndia | #AUSvIND pic.twitter.com/E52CHm1Akv
ICC વર્લ્ડ ટેસ્ટ ચેમ્પિયનશિપની દૃષ્ટિએ ભારત માટે આ સીરિઝ ખૂબ જ મહત્વપૂર્ણ છે. જો ટીમ ઈન્ડિયા આ સીરિઝમાં હારી જશે તો તેની ટેસ્ટ ચેમ્પિયનશિપની ફાઈનલ રમવાની આશા ગુમાવવી પડશે. ભારત બે વખત ફાઇનલમાં પહોંચ્યું છે, પરંતુ બંને વખત ચેમ્પિયનશિપ હારી ગયું છે. આ વખતે તે કોઈ કસર છોડવા માંગશે નહીં.
💬💬 On track for the 22nd 🙌
— BCCI (@BCCI) November 18, 2024
Assistant Coach @abhisheknayar1 & Bowling Coach @mornemorkel65 wrap up #TeamIndia's Match Simulation in Perth 👌👌
WATCH 🎥🔽 #AUSvIND
ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફીની પ્રથમ મેચ 22 નવેમ્બરથી શરૂ થશે. મેચ પર્થના ઓપ્ટસ સ્ટેડિયમમાં રમાશે. મેચ ભારતીય સમય અનુસાર સવારે 7.50 વાગ્યે શરૂ થશે. મેચ સ્ટાર સ્પોર્ટ્સ નેટવર્ક પર જોઈ શકાશે.પર્થ મેચનું લાઈવ સ્ટ્રીમિંગ ડિઝની-હોટસ્ટાર એપ પર જોઈ શકાશે.
ટીમ ઈન્ડિયા પાસે બોલિંગ માટે ઘણા સારા વિકલ્પો છે. બુમરાહની સાથે જ પ્લેઈંગ ઈલેવનમાં મોહમ્મદ સિરાજનું સ્થાન લગભગ નિશ્ચિત છે. હવે તેમની સાથે બીજું કોણ હશે તે કહેવું મુશ્કેલ છે. મુખ્ય કોચ ગૌતમ ગંભીરનો નિર્ણય મહત્વપૂર્ણ રહેશે. કૃષ્ણાએ ટીમ ઈન્ડિયા માટે ટેસ્ટ ડેબ્યુ કર્યું છે. આકાશ દીપનું પણ શાનદાર પ્રદર્શન જોવા મળ્યું છે. આ બંનેની સાથે હર્ષિત પણ દાવેદાર છે.
મિડલ ઓર્ડરમાં કોને સ્થાન મળશે?
વિરાટ કોહલી ચોથા નંબર પર બેટિંગ કરી શકે છે. તેની સાથે ઋષભ પંત અને સરફરાઝ ખાનને પણ પ્લેઈંગ ઈલેવનમાં સ્થાન મળી શકે છે. પંત અનુભવી અને ભરોસાપાત્ર પણ છે. ધ્રુવ જુરેલ પણ ગણી શકાય. ઓલરાઉન્ડર રવિન્દ્ર જાડેજા અને રવિચંદ્રન અશ્વિનને પણ પર્થ ટેસ્ટમાં તક મળી શકે છે.
ટોપ સ્ટોરી
ટ્રેન્ડિંગ સમાચાર
