Watch: ચેમ્પિયન્સ ટ્રૉફી પહેલા રોહિત શર્માએ કમર કસી, નેટ્સમાં બતાવ્યા તેવર, વીડિયો વાયરલ
Rohit Sharma Practice Before Champions Trophy 2025: ટેસ્ટમાં ફ્લૉપ રહેનારો રોહિત શર્મા વનડે ક્રિકેટમાં સારા ફોર્મમાં જોવા મળે છે. તેણે છેલ્લે ઓગસ્ટમાં શ્રીલંકા સામે વનડે સીરીઝ રમી હતી
Rohit Sharma Practice Before Champions Trophy 2025: ભારતીય કેપ્ટન રોહિત શર્મા તાજેતરમાં રમાયેલી બૉર્ડર-ગાવસ્કર ટ્રૉફી 2024-25માં મોટો ફ્લૉપ રહ્યો હતો. સીરીઝની ત્રણ ટેસ્ટમાં હિટમેને ફક્ત 31 રન બનાવ્યા હતા. હવે રોહિત શર્મા ફેબ્રુઆરી-માર્ચમાં રમાનારી ચેમ્પિયન્સ ટ્રૉફી 2025 માટે તૈયારી કરી રહ્યો છે. ટૂર્નામેન્ટ પહેલા ભારતીય કેપ્ટન નેટમાં પ્રેક્ટિસ કરતો જોવા મળ્યો હતો.
રોહિત શર્માએ પ્રેક્ટિસનો વીડિયો સોશિયલ મીડિયા દ્વારા શેર કર્યો છે, જે વધુને વધુ વાયરલ થઈ રહ્યો છે. વીડિયોમાં જોઈ શકાય છે કે રોહિત શર્મા સફેદ બૉલથી પ્રેક્ટિસ કરી રહ્યો છે. રોહિત નેટની અંદર સારા ફોર્મમાં દેખાઈ રહ્યો છે. રોહિતે પ્રેક્ટિસમાં કેટલાક ખૂબ સારા શૉટ રમ્યા. તેણે ગ્રાઉન્ડ શૉટ રમ્યા અને હવામાં પણ કેટલાક ફાયર શૉટ્સ રમ્યા હતા.
View this post on Instagram
વનડેમાં સારુ છે રોહિત શર્માનું ફોર્મ
ટેસ્ટમાં ફ્લૉપ રહેનારો રોહિત શર્મા વનડે ક્રિકેટમાં સારા ફોર્મમાં જોવા મળે છે. તેણે છેલ્લે ઓગસ્ટમાં શ્રીલંકા સામે વનડે સીરીઝ રમી હતી. ત્રણ મેચની સીરીઝમાં ભારતીય કેપ્ટને અનુક્રમે 58, 64 અને 35 રન બનાવ્યા હતા.
ચેમ્પિયન્સ ટ્રૉફી 19 ફેબ્રુઆરીથી શરૂ થશે, પરંતુ તે પહેલાં ભારતીય ટીમ ઇંગ્લેન્ડ સામે સફેદ બૉલની સીરીઝ રમશે. સીરીઝમાં 5 T20 અને 3 ODI મેચ રમાશે. રોહિત શર્માએ T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી છે, પરંતુ તે ODI સીરીઝમાં જોવા મળી શકે છે. ODI સીરીઝ માટે ટીમ હજુ સુધી જાહેર કરવામાં આવી નથી. ચેમ્પિયન્સ ટ્રૉફી પહેલા ટીમ ઈન્ડિયા માટે આ છેલ્લી વનડે સીરીઝ હશે જે ODI ફોર્મેટમાં રમાશે.
રોહિત શર્માની આંતરરાષ્ટ્રીય કેરિયર
ઉલ્લેખનીય છે કે રોહિત શર્માએ ભારત માટે અત્યાર સુધીમાં 67 ટેસ્ટ, 265 વનડે અને 159 ટી20 આંતરરાષ્ટ્રીય મેચ રમી છે. રોહિતે ૧૧૬ ટેસ્ટ ઇનિંગ્સમાં ૪૩૦૧ રન બનાવ્યા છે. આ ઉપરાંત, હિટમેને 257 ODI ઇનિંગ્સમાં 10866 રન અને 151 T20 ઇન્ટરનેશનલ ઇનિંગ્સમાં 4231 રન બનાવ્યા છે.
આ પણ વાંચો
ટ્રેન્ડિંગ સમાચાર
ટોપ સ્ટોરી
