Shahbaz Ahmed Maiden Wicket: ડેબ્યૂ મેચમાં વિકેટ લેતાં જ ખુશીથી ઝૂમી ઉઠ્યો Shahbaz Ahmed, જુઓ વીડિયો

IND vs SA, 2nd ODI: બીજી મેચમાં ભારતીય ટીમમાં બે ફેરફાર કરવામાં આવ્યા છે. આ મેચ માટે રુતુરાજ ગાયકવાડ અને રવિ બિશ્નોઈને ટીમમાંથી બહાર કરવામાં આવ્યા છે. શાહબાઝ અહેમદે વન ડે ડેબ્યૂ કર્યુ છે.

ડેબ્યૂ મેચમાં વિકેટ લીધા બાદ શાહબાઝ અહમદ ખુશીથી ઝુમી ઉઠ્યો

 IND vs SA, 2^nd ODI: ભારત અને સાઉથ આફ્રિકા વચ્ચે આજે રાંચીમાં બીજી વન ડે રમાઈ રહી છે. મેચમાં સાઉથ આફ્રિકાએ ટોસ જીતીને પ્રથમ બેટિંગનો ફેસલો કર્યો છે. 17 ઓવરના અંતે સાઉથ આફ્રિકાનો સ્કોર 72 રનમાં 2 વિકેટ છે.  માર્કરામ 14 અને હેન્ડ્રિક્સ 26 રને રમતમાં છે.

ભારત તરફથી આ મેચમાં શાહબાઝ અહમદે ડેબ્યૂ કર્યુ છે. તેણે ડેબ્યૂ મેચમાં મલાનને 25 રનના સ્કોર પર આઉટ કરી વન ડે કરિયરની પ્રથમ વિકેટ ઝડપી હતી. આ માટે તેણે ડીઆરએસ લીધો હતો. જેમાં બેટ્સમેન આઉટ હતો. વિકેટ મળવાની ખુશીમાં તે ઉછળી પડ્યો હતો. બીસીસીઆઈ દ્વારા આ વીડિયો શેર કરવામાં આવ્યો છે.

That First Wicket Feeling! 🙌 🙌

Here's how debutant Shahbaz Ahmed scalped his maiden wicket in international cricket 🎥 🔽 #TeamIndia | @mastercardindia

Follow the match ▶️ https://t.co/6pFItKiAHZ

Don’t miss the LIVE coverage of the #INDvSA match on @StarSportsIndia. pic.twitter.com/Rq9vRyEWCo

— BCCI (@BCCI) October 9, 2022

ટીમ ઈન્ડિયામાં બે બદલાવ

બીજી વન ડેમાં ભારતીય ટીમમાં બે ફેરફાર કરવામાં આવ્યા છે. આ મેચ માટે રુતુરાજ ગાયકવાડ અને રવિ બિશ્નોઈને ટીમમાંથી બહાર કરવામાં આવ્યા છે. તેમની જગ્યાએ વોશિંગ્ટન સુંદર અને શાહબાઝ અહેમદને ટીમમાં જગ્યા આપવામાં આવી છે.

શિખર ધવન, શુભમન ગિલ, ઈશાન કિશન, શ્રેયસ અય્યર, સંજુ સેમસન, વોશિંગ્ટન સુંદર, શાહબાઝ અહમદ, શાર્દુલ ઠાકુર, કુલદીપ યાદવ, મોહમ્મદ સિરાજ, આવેશ ખાન

આઈપીએલમાં આરસીબી તરફથી શાનદાર પ્રદર્શન

શાહબાઝ અહેમદે વર્ષ 2022માં રોયલ ચેલેન્જર્સ બેંગ્લોર તરફથી રમતા 16 મેચમાં કુલ 219 રન બનાવ્યા હતા. આ દરમિયાન તેનો સ્ટ્રાઈક રેટ 121 હતો. તેણે 4 વિકેટ પણ લીધી હતી.

ઘરેલું મેચોમાં શાહબાઝનું પ્રદર્શન

27 વર્ષીય શાહબાઝે 19 ફર્સ્ટ ક્લાસ મેચ રમી છે. આ દરમિયાન તેણે એક સદી અને આઠ અડધી સદી સહિત 1103 રન બનાવ્યા છે. તેણે 62 વિકેટ પણ લીધી છે. શાહબાઝે અત્યાર સુધીમાં 56 T20 મેચ રમી છે, જેમાં તેણે 512 રન બનાવ્યા છે અને 39 વિકેટ લીધી છે. તેનો લિસ્ટ-એ ક્રિકેટમાં પણ શાનદાર રેકોર્ડ છે. તેણે 27 મેચમાં 2 સદી અને 2 અડધી સદીની મદદથી 662 રન બનાવ્યા છે. આ સાથે જ તેણે બોલિંગ દરમિયાન 24 વિકેટ પણ લીધી છે.