(Source: ECI/ABP News/ABP Majha)
SA20: દક્ષિણ આફ્રિકા ટી20 લીગમાં રમશે RCBનો આ ધાકડ ખેલાડી, આ લીગ રમનાર પ્રથમ ભારતીય બનશે
South Africa 20 League 2025: આ વખતે ભૂતપૂર્વ ભારતીય દિગ્ગજ દક્ષિણ આફ્રિકા ટી20 લીગની નવી સીઝનમાં પ્રવેશવા જઈ રહ્યો છે. પ્રથમ વખત કોઈ ભારતીય ખેલાડી આ લીગમાં રમવા જઈ રહ્યો છે. પાર્લ રોયલ્સે આ ખેલાડીને પોતાની ટીમમાં સામેલ કર્યો છે.
South Africa 20 League 2025: તમામ ફ્રેન્ચાઇઝીઓ સાઉથ આફ્રિકા 20 લીગની નવી સીઝન પહેલા ખેલાડીઓને રિટેન કરી રહી છે અને રિલિઝ કરી રહી છે. આ સિવાય ફ્રેન્ચાઈઝી કેટલાક ખેલાડીઓને પણ સાઈન કરી રહી છે. હવે પાર્લ રોયલ્સે નવી સિઝન માટે રોયલ ચેલેન્જર્સ બેંગ્લોરના ભૂતપૂર્વ ખેલાડીને પોતાની ટીમમાં સામેલ કર્યો છે. આ ખેલાડીએ IPLમાંથી નિવૃત્તિ લઈ લીધી છે, પરંતુ હવે ફરી એકવાર આ ધાકડ ખેલાડી ક્રિકેટના મેદાનમાં વાપસી કરી રહ્યો છે.
Batter. Keeper. Finisher. 🇮🇳
Welcome to the #RoyalsFamily, @DineshKarthik 🔥 pic.twitter.com/f7bdcVFCRP— Paarl Royals (@paarlroyals) August 6, 2024
દિનેશ કાર્તિક દક્ષિણ આફ્રિકા 20 લીગ રમશે
દિનેશ કાર્તિકે IPL 2024 પછી નિવૃત્તિની જાહેરાત કરી હતી. કાર્તિકે IPL 2024માં રોયલ ચેલેન્જર્સ બેંગ્લોર માટે શાનદાર પ્રદર્શન કર્યું હતું. હવે આ વિકેટકીપર બેટ્સમેનને પાર્લ રોયલ્સે દક્ષિણ આફ્રિકા 20 લીગ 2025 માટે પોતાની ટીમમાં સામેલ કર્યો છે. કાર્તિક દક્ષિણ આફ્રિકા 20 લીગમાં રમનાર પ્રથમ ભારતીય પણ બનવા જઈ રહ્યો છે. કાર્તિકે તેના જન્મદિવસ દરમિયાન જ IPLમાંથી નિવૃત્તિ લીધી હતી. તમને જણાવી દઈએ કે, દક્ષિણ આફ્રિકા 20 લીગની નવી સીઝન 9 જાન્યુઆરીથી શરૂ થશે.
1st July - Dinesh Karthik announced as RCB batting coach.
— Mufaddal Vohra (@mufaddal_vohra) August 6, 2024
5th August - Dinesh Karthik announced as SA20 brand ambassador.
6th August - Dinesh Karthik to play for Paarl Royals in SA20.
- DK, the coach, the ambassador, the player...!!! 😄👌 pic.twitter.com/dpjOSCuBRD
T20 ક્રિકેટનો સારો અનુભવ
દિનેશ કાર્તિક પાસે ટી20 ક્રિકેટનો સારો અનુભવ છે. હવે કાર્તિક દક્ષિણ આફ્રિકા 20 લીગમાં તેના અનુભવનો ઉપયોગ કરતો જોવા મળશે. દિનેશ કાર્તિકે પોતાની કારકિર્દીમાં 450 થી વધુ T20 મેચ રમી છે. જેમાંથી તેણે ટીમ ઈન્ડિયા માટે 60 T20 ઈન્ટરનેશનલ મેચ રમી છે.
આ સિવાય કાર્તિક પાસે IPL અને અન્ય લીગ સહિત 401 T20 મેચોનો અનુભવ છે. કાર્તિકે 401 T20 મેચમાં 7407 રન બનાવ્યા છે. આ દરમિયાન તેના બેટમાંથી 34 અડધી સદી આવી છે. કાર્તિક આઈપીએલમાં 6 ટીમો તરફથી રમ્યો હતો. જેમાં તેની છેલ્લી ટીમ આરસીબી હતી.
ટ્રેન્ડિંગ સમાચાર
ટોપ સ્ટોરી
