IND vs OMN: ઇન્ડિયા-એની સતત ત્રીજી જીત, સેમિફાઇનલમાં આ ટીમ સામે ટકરાશે

દરમિયાન આયુષ બદોનીએ માત્ર 25 બોલમાં પોતાની અડધી સદી પૂરી કરી હતી. આયુષે પોતાની ઇનિંગમાં 6 ફોર અને 2 સિક્સર ફટકારી હતી

Image Credit source: Asian Cricket Council

Source : Image Credit source: Asian Cricket Council

ઓમાનમાં રમાઈ રહેલા ઇમર્જિંગ ટીમ એશિયા કપ 2024માં ઇન્ડિયા-એનું શાનદાર પ્રદર્શન યથાવત છે. ઇન્ડિયા-એ સતત ત્રીજી જીત હાંસલ કરી છે. આ સાથે ટીમ ઇન્ડિયા ટૂર્નામેન્ટની સેમિફાઈનલમાં પહોંચી ગઇ છે. તિલક વર્માની કેપ્ટનશીપ હેઠળની ટીમે બુધવારે ગ્રુપ સ્ટેજની તેની ત્રીજી અને છેલ્લી મેચમાં યજમાન ઓમાનને 6 વિકેટથી હરાવ્યું અને આ રીતે 100 ટકા રેકોર્ડ સાથે નોક આઉટ રાઉન્ડમાં પ્રવેશ કર્યો હતો. ટીમ ઈન્ડિયાની જીતનો સ્ટાર આયુષ બદોની હતો જેણે માત્ર 27 બોલમાં 51 રનની વિસ્ફોટક ઈનિંગ રમી હતી. તેના સિવાય ઓપનર અભિષેક શર્માએ ફરી એકવાર ટીમને ઝડપી શરૂઆત અપાવી હતી. સેમિફાઇનલમાં ઇન્ડિયા-એનો સામનો અફઘાનિસ્તાન-એ સામે થશે.

For his power packed 51(27), Ayush Badoni is awarded the Player of the Match 🏆

India A qualify for the Semi Finals 👏

Updates ▶️ https://t.co/74D7VIfQa1#OMAvINDA | #ACC | #MensT20EmergingTeamsAsiaCup pic.twitter.com/o6fyDktjFs

— BCCI (@BCCI) October 23, 2024

8 બોલરોએ નિયંત્રણ મેળવ્યું

બુધવાર 23 ઓક્ટોબરે મસ્કતમાં રમાયેલી આ મેચમાં ટીમ ઈન્ડિયાએ પ્રથમ બોલિંગ કરી હતી. કેપ્ટન તિલક વર્માએ આ ઇનિંગમાં કુલ 8 બોલરોનો ઉપયોગ કર્યો અને શરૂઆતથી જ સતત બોલરો બદલાતા રહ્યા હતા. ટીમને પણ સારું પરિણામ મળ્યું અને પાવરપ્લેમાં ઓમાનની ટીમ માત્ર 33 રનમાં 3 વિકેટ ગુમાવી દીધી. આ પછી વસીમ અલી અને મોહમ્મદ નદીમ વચ્ચે 47 રનની ભાગીદારી થઈ પરંતુ આ દરમિયાન રન રેટ પ્રતિ ઓવર 6 રનથી નીચે રહી હતી.

15મી ઓવરમાં બેટિંગ કરવા આવેલા હમ્માદ મિર્ઝાએ ટીમની ગતિ વધારી હતી અને માત્ર 15 બોલમાં 28 રન બનાવીને સ્કોરને 140 રન સુધી પહોંચાડ્યો હતો. ઇન્ડિયા-એ તરફથી રમનદીપ સિંહ, રસિખ સલામ, નિશાંત સિંધુ, આકિબ ખાન અને સાઈ કિશોરે 1-1 વિકેટ લીધી હતી. આ પાંચ ઉપરાંત રાહુલ ચહર, આયુષ બદોની અને અભિષેક શર્માએ પણ કેટલીક ઓવરો ફેંકી હતી.

બદોની-અભિષેકની વિસ્ફોટક બેટિંગ

જેના જવાબમાં ફરી એકવાર અભિષેક શર્માએ વિસ્ફોટક બેટિંગ કરી અને આવતાની સાથે જ ટીમ માટે રનનો વરસાદ કર્યો હતો. ડાબોડી બેટ્સમેન અભિષેકે માત્ર 15 બોલમાં 34 રન બનાવ્યા જેમાં 5 ફોર અને 1 સિક્સ સામેલ હતી. જ્યારે આ મેચ માટે ટીમમાં આવેલ અનુજ રાવત કંઈ ખાસ કરી શક્યો ન હતો અને માત્ર 8 રન કરીને આઉટ થઈ ગયો હતો. આ પછી કેપ્ટન તિલક (અણનમ 36) આયુષ સાથે મળીને ટીમની ઇનિંગ સંભાળી અને તેને જીતની નજીક લઈ ગયા હતા. દરમિયાન આયુષ બદોનીએ માત્ર 25 બોલમાં પોતાની અડધી સદી પૂરી કરી હતી. આયુષે પોતાની ઇનિંગમાં 6 ફોર અને 2 સિક્સર ફટકારી હતી. અંતમાં રમનદીપ સિંહે માત્ર 4 બોલમાં 13 રન ફટકારીને ટીમને 15.2 ઓવરમાં 6 વિકેટે વિજય અપાવ્યો હતો.

સેમિફાઈનલમાં કોની કોની સાથે ટક્કર થશે?

આ સાથે ટીમ ઈન્ડિયાએ ગ્રુપ બીની પોતાની ત્રણેય મેચ જીતી લીધી છે. પ્રથમ મેચમાં ભારતે પાકિસ્તાન A ને હરાવ્યું અને પછીની મેચમાં સંયુક્ત આરબ અમીરાતને હરાવ્યું. આ રીતે ભારત A ગ્રુપમાં 3 મેચમાં 6 પોઈન્ટ સાથે પ્રથમ સ્થાને છે. આ કારણે સેમિફાઇનલમાં તેનો મુકાબલો અફઘાનિસ્તાન A સામે થશે, જે ગ્રુપ Aમાં બીજા સ્થાને હતી. આ મેચ 25મી ઓક્ટોબરે રમાશે. પ્રથમ સેમિફાઇનલમાં ગ્રુપ Aની વિજેતા શ્રીલંકા A અને ગ્રુપ Bની નંબર બે ટીમ પાકિસ્તાન A વચ્ચે મુકાબલો થશે. આ મેચ પણ 25મી ઓક્ટોબરે જ રમાશે.